Հիսուսի արձանը տեսանելի կլինի 2026-ին․ Առաքելական եկեղեցին քննադատում է
- 11:05 02.03.2025
Հիսուսի 33 մետրանոց արձանին հնարավոր կլինի նայել լավագույն հաշվարկներով 2026-ին, բայց մեգանախագծի հեղինակները պնդում են՝ այն արդեն ազդել է անշարժ գույքի շուկայի վրա. դեռ չկանգնեցված արձանի տեսարանով անգամ՝ մայրաքաղաքում բնակարաններն աննախադեպ են վաճառվում։ Այդ մասին գրոմ է Ազատությունը։
Քրիստոսի մոնումենտալ արձանը, ըստ քանդակագործի, պատրաստ է 80 տոկոսով, Հատիսի լանջին կհայտնվի, երբ «Գագիկ Ծառուկյան» բարեգործական հիմնադրամը շինթույլտվություն ստանա, գործընթացն արագացնելու համար օրերս Ակունք համայնքի 4 գյուղերում հանրային թեժ լսումներ էին։
Քրիստոսի մոնումենտալ արձան-համալիրի հնարավոր ազդեցության՝ ՇՄԱԳ հաշվետվության մասին լսումների հիմնական «թեժացնողները» ոչ թե շրջակա՝ Ակունք, Զովաշեն, Կոտայք, Հատիս բնակավայրերի բնակիչներն էին, այլ լսումներին ներկա հասարակական կազմակերպությունների ներկայացուցիչները։
Մայր աթոռի կողմից քննադատվող արձանի քանդակագործը «կրոնական տեսակետից չի նայում արձանին»:
Օգնության է հասնում համայնքի ղեկավարը՝ պաշտոնական վիճակագրությունը կասկածի տակ առնելով. – «Հասկացանք՝ մեր պետական կրոնը Առաքելական եկեղեցին է, բայց մեր ազգի մեծ մասը կաթոլիկ է»:
Արձան-համալիրն ընդհանուր 100մ բարձրություն կունենա։ Դեպի Հիսուս տանող 3.7 կմ ճոպանուղու նախագիծը հայ-ավստրիական է, ճոպանուղու 23 հենակետերը, որ տարբեր գյուղերի վարչական տարածքում են, Գագիկ Ծառուկյանին պատկանող հողերում են, պնդում են նախագծի հեղինակները։