Իսրայելը կողմ է Սիրիայում ռուսական բազաների պահպանմանը և պատրաստ է «պաշտպանել» դրուզներին ահաբեկչական ռեժիմից
- 19:56 02.03.2025
Իսրայելի իշխանությունները հանդես են գալիս Սիրիայում ռուսական ռազմաբազաների պահպանման օգտին՝ որպես սիրիական պետության ապակենտրոնացման և երկրում Թուրքիայի դիրքերը թուլացնելու միջոց: Այս մասին հայտնում է Reuters-ը՝ վկայակոչելով իրազեկ աղբյուրներ։ Իսրայելի ղեկավարության կարծիքով՝ Թուրքիայի հզորացումը լուրջ վտանգ է ներկայացնում հրեական պետության անվտանգության համար։
Երբ իսրայելցի պաշտոնյաները դրական լույսի ներքո ներկայացրեցին Ռուսաստանի շարունակական ներկայությունը ամերիկացիների հետ հանդիպմանը, որոշ մասնակիցներ զարմացան՝ պնդելով, որ ՆԱՏՕ-ի անդամ Թուրքիան կլինի Իսրայելի անվտանգության ավելի լավ երաշխավորը:
Ամերիկացի պաշտոնյաները նույնպես «զարմացած» են, թե ինչու է Հայաստանը դիմադրում ռուսական ներկայությունը թուրքականով փոխարինելուն։
Միաժամանակ Իսրայելը սպառնացել է հարվածներ հասցնել Սիրիային, եթե սիրիացի դրուզների վրա հարձակում լինի Դամասկոսի նոր իշխանությունների կողմից։ Իսրայելի ՊՆ-ն հրաման է ստացել բարձրացնել մարտունակությունը, հաղորդում է Իսրայելի պաշտպանության նախարարության մամուլի ծառայությունը։
«Վարչապետ Բենիամին Նեթանյահուն և պաշտպանության նախարար Իսրայել Կացը հանձնարարել են Իսրայելի պաշտպանության բանակին նախապատրաստվել Դամասկոսի արվարձանում գտնվող Ջարամանա դրուզների բնակավայրի պաշտպանությանը, որը գտնվում է սիրիական ռեժիմի ուժերի հարձակման տակ», – ասվում է հայտարարության մեջ:
«Մենք թույլ չենք տա, որ Սիրիայում արմատական իսլամիստների ահաբեկչական ռեժիմը սպառնա դրուզներին», – ասվում է պաշտպանության նախարարության հայտարարության մեջ։
Փաստորեն, Իսրայելը Սիրիայում թուրքամետ կառավարությանը համարում է «ահաբեկչական իսկամիստական ռեժիմ»։