Սահմանադրական Հետազոտությունների Կենտրոն-ը տեսանյութեր է պատրաստել արցախցիների իրավունքների մասին
- 21:03 02.03.2025
Սահմանադրական Հետազոտությունների Կենտրոն-ը հանդես է եկել արցախցիների իրավունքների պաշտպանության մասին հայտարարությունով․
“Ուրախ ենք տեղեկացնել, որ «Լեռնային Ղարաբաղից բռնի տեղահանված անձանց իրավական իրազեկման և կարողությունների հզորացման» ծրագրի շրջանակներում Սահմանադրական հետազոտությունների կենտրոնը պատրաստել է 14 տեսանյութ, որոնք ուղղված են ԼՂ բռնի տեղահանված անձանց տարատեսակ իրավական հարցերի պարզաբանմանը։
Թեմաները բազմազան են. կորցրած փաստաթղթերի վերականգմանը միտված ընթացակարգերի բացահայտում, իրավաբանական նշանակություն ունեցող փաստերի հաստատման նոտարական և դատական կարգերի ներկայացում, ՄԻԵԴ դիմումով խախտված սեփականության իրավունքի վերականգման հարցերի պարզաբանում և այլն։
Տեսանյութերում կան QR հղումներ, որոնց միջոցով դիտողը հնարավորություն կստանա հանգամանորեն ծանոթանալու քննարկվող խնդրին՝ անցնելով QR հղման միջոցով մեր կողմից պատրաստված գրավոր նյութերին։
Ավելին, այդ հղումներում կգնեք նաև պետական մարմիններ ներկայացվող առանձին դիմումների ձևանմուշներ, ինչպես նաև Կենտրոնի կողմից պատրաստված տարատեսակ հարցերով դատարան ներկայացվող դիմումի օրինակելի ձևեր և այլն։
Տեսանյութերի հրապարակմամբ Կենտրոնը նպատակ է հետապնդում բարձրացնել ԼՂ բռնի տեղահանված մեր հայրենակիցների իրավագիտակցությունը՝ նրանց իրազեկելով իրենց կարգավիճակից բխող իրավունքների, պարտականությունների, արտոնությունների մասին, և ըստ այդմ՝ որոշումներ կայացնել ոչ թե ասեկոսեների, թյուր կարծիքների, այլ հստակ, հիմնավոր և հավաստի իրավական տեղեկատվության վրա։
Հրապարակված առաջին տեսանյութը նվիրված է ՀՀ քաղաքացու և փախստականի իրավական կարգավիճակի հարցերին, որում հանգամանորեն ներկայացվում են այդ երկու կարգավիճակներից բխող իրավունքների և պարտականությունների շրջանակները:
Ծրագիրն իրականցվում է ՀՀ-ում Նիդերլանդների Թագավորության դեսպանատան աջակցությամբ։ Embassy of the Netherlands in Armenia