Մարտի 1-ին ռուսները «Իսկանդեր-Մ»-ով հարվածել են Նովոմոսկովսկի պոլիգոնում, զոհվել է 39 ուկրաինացի զինծառայող
- 09:55 04.03.2025
Գեներալ Ալեքսանդր Սիրսկին Դնեպրոպետրովսկի մարզում ցամաքային զորքերի զորավարժություններին ռուսական «Իսկանդեր-Մ» հրթիռի ողբերգական հարվածից հետո պաշտոններից հեռացրեց զորամասի ուսումնական կենտրոնի պետին և զորամասի հրամանատարին։ Այս մասին նա գրել է Facebook-ում։
Ռազմական թղթակից Յուրի Բուտուսովը հայտարարել է, որ հարվածի հետևանքով զոհվել է մինչև 39 ուկրաինական զինծառայող, ևս 80-90-ը՝ վիրավորվել։ Նախնական տվյալներով՝ մարտի 1-ին, կեսօրին մոտ, ռուսական բանակը կասետային մարտագլխիկով «Իսկանդեր-Մ» բալիստիկ հրթիռ է արձակել Դնեպրոպետրովսկի մարզի Նովոմոսկովսկի պոլիգոնին։