Սիմոնյան․ Իրադարձություններն այնպես արագ են զարգանում, կարող են շատ հետաքրքիր զարգացումներ լինել

Ազգային ժողովի նախագահ Ալեն Սիմոնյանը լրագրողների հետ զրույցում անդրադարձավ Նիկոլ Փաշինյանի՝ ապաշրջափակման մասին այսօր հրապարակած հոդվածին։ Լրագրողները հետաքրքրվեցին՝ էսկալյացիայի վտանգ կա՞, քանի որ Փաշինյանն ասում է, որ Բաքուն չի համաձայնում իրենց առաջարկած տարբերակներին։

«Ամեն ինչ պետք է անենք, որ էսկլայացիայի առիթ եւ պատճառ չլինի։ Հայաստանի Հանրապետությունը, բազմիցս ասել ենք, որեւիցե տարածքային պահանջ չունի եւ իր հանձն առած պարտավորություններին եւ համաձայնագրերին շատ ուժեղ հետեւում է, հետեւողական շարունակելու է աշխատանքները բոլոր խնդրահարույց հարցերը լուծելու ուղղությամբ։ Էսկլայացիայի վտանգ կա, բայց էսկալյացիայի առիթ եւ պատճառ, կարծում եմ, չկա եւ չպետք է չլինի»,- ասաց նա։

Միաժամանակ Ալեն Սիմոնյանն ասաց, որ իրադարձությունները շատ արագ են զարգանում, յուրաքանչյուր պահի կարող է յուրաքնաչյուր բան տեղի ունենալ, ոչինչ չպետք է բացառել։ «Իրադարձություններն այնպես արագ են զարգանում, կարող են շատ հետաքրքիր զարգացումներ լինել մեր այս ընդհանուր թեմայի շուրջ, որի շուրջ զրուցում ենք, կարող են նորություններ ու փոփոխություններ տեղի ունենալ»։