Ֆրանսիան պատրաստ է դառնալ Եվրոպայի «միջուկային վահանը». Հայաստանը կհայտնվի՞ դրա տակ

Երեկ Ֆրանսիայի նախագահը հայտարարել է, որ Ռուսաստանը վտանգ է ներկայացնում ոչ միայն իր երկրի, այլեւ ողջ Եվրոպայի համար։ Ռուսական սպառնալիքն իրական է, և այն կարող է ազդել յուրաքանչյուր եվրոպացու վրա։ Այսուհետ Եվրոպայում խաղաղությունն այլևս երաշխավորված չէ, ընդգծել է Ֆրանսիայի նախագահը։ Հետագա հակամարտությունների ժամանակ անհրաժեշտ է հաշվի առնել, որ ԱՄՆ-ը կարող է չաջակցել Եվրոպային, այդ իսկ պատճառով անհրաժեշտ է դաշնակիցների հետ քննարկել Ռուսաստանի Դաշնության միջուկային զսպման ծրագիրը։

ԵՄ առաջնորդները այսօր հանդիպում են Բրյուսելում՝ ԱՄՆ արտաքին քաղաքականության մեջ տեղաշարժերի ֆոնին: Փարիզն իր դաշնակիցներին կառաջարկի փոխարինել ամերիկյան միջուկային զենքը ֆրանսիականով։ Բացի այդ, Մակրոնը կառաջարկի ավելացնել պաշտպանական ծախսերը ՀՆԱ-ի 3%-ից մինչև 3,5%:

ԵՄ-ում միակ երկիրը, որն ունի միջուկային զենք, Բրիտանիայի հեռանալուց հետո, Ֆրանսիան է, և Մակրոնն առաջարկում է միջուկային վահան ստեղծել ամբողջ Եվրոպայի համար։ Այս առաջարկը գործնականում այլընտրանք չունի և, ամենայն հավանականությամբ, կընդունվի ԵՄ-ում։

Արդյո՞ք Ուկրաինային առաջարկվելու է եվրոպական միջուկային վահան՝ որպես միջուկային տերություն Ռուսաստանի դեմ գլխավոր փաստարկ։ Ի վերջո, Մոսկվան և Միացյալ Նահանգները, խոսելով Ռուսաստանի դեմ Ուկրաինայի պայքարի «անիմաստության» մասին, առաջին հերթին մատնանշում են Ռուսաստանի միջուկային կարգավիճակը։

Արդյո՞ք Ֆրանսիայի և Հայաստանի հարաբերությունները նշանակում են, որ Հայաստանը նույնպես լինելու է եվրոպական միջուկային վահանի տակ։ Նման կարգավիճակը Երեւանին թույլ կտա ավելի վստահ լինել բանակցություններում, եթե, իհարկե, դրա համար լինի քաղաքական կամք։