Թրամփ. Իրանը կա՛մ գործարք կկնքի ԱՄՆ-ի հետ, կա՛մ «շատ շուտով ինչ-որ բան տեղի կունենա»
- 10:00 08.03.2025
ԱՄՆ նախագահ Դոնալդ Թրամփը հայտարարել է, որ Թեհրանը կամ պետք է համաձայնության գա Վաշինգտոնի հետ, կամ մոտ ապագայում բախվի հետևանքների։
«Մենք Իրանի հետ մի իրավիճակ ունենք, և ինչ-որ բան տեղի կունենա շատ շուտով, շատ, շատ շուտով: Հուսով եմ, որ դա խաղաղության համաձայնագիր կլինի, բայց մյուս տարբերակը ևս կլուծի խնդիրը», – Օվալաձև աշխատասենյակում լրագրողներին ասել է Թրամփը:
Նա չի հստակեցրել, թե կոնկրետ ինչ քայլեր կարող է ձեռնարկել ԱՄՆ-ը, սակայն ընդգծել է, որ Վաշինգտոնը մտադիր չէ համակերպվել Թեհրանի հետ հարաբերություններում առկա իրավիճակի հետ։
ԱՄՆ-ը կարծում է, որ Իսրայելի գործողությունները Պաղեստինում և Լիբանանում Համասի և Հեզբոլլահի դեմ, ինչպես նաև Թուրքիայի կողմից Սիրիայում իրականացված իշխանափոխությունը բավականաչափ թուլացրել են Իրանին, որպեսզի կոշտ պահանջներ ներկայացվի նրան։ Թրամփը ավելի վաղ հայտարարել էր, որ կարող է թույլ տալ Իսրայելին հարվածել Իրանին:
Թուրքիան Ադրբեջանով հանդերձ անհամբեր սպասում է այդ պահին՝ Հյուսիսային Իրանն ու հայկական Սյունիքն ու Վայոց Ձորը գրավելու համար։