Լաթաքիայում բախումների ժամանակ երկու հայ է զոհվել՝ հայր ու որդի
- 19:36 08.03.2025
Սիրիայի Լաթաքիա քաղաքում բախումների հետևանքով երկու հայ է զոհվել, հայտնում է «Գանձասարը»։
«Հայր և որդի՝ Անտուան և Ֆատի Պութրոսները կրակոցների զոհ են դարձել»,- մանրամասնել է թերթը։ Նշվում է, որ հուղարկավորությունը կատարվելու է այսօր՝ Լաթաքիայի Ս. Աստվածածին եկեղեցում»,- ասվում է հաղորդագրությունում։
Մարտի 6-ին Լաթաքիա, Տարտուս և Հոմս նահանգներում բախումներ էին սկսվել անվտանգության ուժերի և նախկին նախագահ Ասադի կողմնակիցների զինված խմբերի միջև։ Մարտի 7-ին նոր իշխանությունները վերահսկողության տակ էին վերցրել Լաթաքիա քաղաքը՝ հեռացնելով Ասադի զինված կողմնակիցներին։ Բախումների հետևանքով զոհվել էր շուրջ 200 անձ։
«Մենք գաղափար չունենք, թե ինչ է կատարվում դրսում, որովհետեւ մեր բնակարաններից դուրս չենք գալիս: Երեկ կրակոցներն ու բախումները հայաշատ թաղամասում էր, որտեղ գտնվում է հայկական եկեղեցին ու դպրոցը: Կրակոցները չեն դադարել մինչեւ առավոտ:
Այս մասին ավելի շուտ NEWS.am-ին հայտնել է հայկական «Գանձասար» պարբերականի Լաթաքիայի թղթակից Նաիրի Կարապետյանը:
Սիրիական անվտանգության ուժերը և նրանց դաշնակիցները վերջին երկու օրվա ընթացքում սպանել են ավելի քան 300 ալավի խաղաղ բնակիչների, իսկ զոհերի թիվը հասցնելով 524-ի, ըստ SOHR-ի: