Խամենեին մերժել է միջուկային ծրագրի շուրջ բանակցությունների ԱՄՆ առաջարկը
- 20:45 09.03.2025
Իրանի գերագույն առաջնորդ Ալի Խամենեին մերժել է երկրի միջուկային ծրագրի շուրջ բանակցություններ վարելու ԱՄՆ-ի առաջարկը։
Նրա խոսքով, որոշ «ագրեսիվ կառավարությունների» բանակցությունների կոչերը ոչ թե խնդիրների լուծմանն են ուղղված, այլ սեփական տեսակետները գերակայելուն ու պարտադրելուն։
«Իրանի Իսլամական Հանրապետությունը հաստատ չի արդարացնի նրանց սպասելիքները»,- ասել է նա հանդիպմանը, որին մասնակցել են նախագահը, խորհրդարանի նախագահը և բարձրաստիճան այլ պաշտոնյաներ:
Ավելի վաղ ԱՄՆ նախագահը ուղերձ էր հղել Իրանի գերագույն առաջնորդ Ալի Խամենեիին։ Թրամփն ասել է, որ ԱՄՆ-ը կնախընտրի Իրանի հետ գործարք կնքել իր միջուկային ծրագրի շուրջ։