Կհանձնե՞ն, թե՞ Հայաստանում կդատեն Քոչարյանին, Սարգսյանին և կռված գեներալներին
- 10:46 11.03.2025
Ամենայն հավանականությամբ Ադրբեջանը պահանջում է Բաքվին հանձնել արցախյան պատերազմներին մասնակցած նախկին նախագահներին եւ բարձրաստիճան զինվորականներին, NEWS.am-ի հետ զրույցում ասաց իրավաբան Արա Ղազարյանը:
«Ադրբեջանը կարող է ցանկն ընդլայնել, քանի որ դա ուղղակի հռետորաբանություն է՝ շատ լավ իմանալով հանդերձ, որ Հայաստանը իր քաղաքացիներին չի հանձնում եւ երկրորդ, շատ լավ իմանալով, որ միջազգային իրավունքում ոչ մի պետություն ոչ իր երկրի քաղաքացուն, ոչ այլ երկրի քաղաքացուն չի հանձնի, եթե կան հիմքեր կասկածելու, որ ընդունող պետությունում այդ քաղաքացիները կենթարկվեն խոշտանգումների կամ էլ արդարադատության ի սպառ բացակայությամբ նրանց հանդեպ կարող են իրականացնել քրեական հետապնդում»,-ասաց նա:
«Ամենայն հավանականությամբ դա դիտարկվելու է որպես քաղաքական հետանպնդում, դեռ չհաշված այն հիմքը, որ ՀՀ Սահմնադրությունը արգելում է նրանց արտահանձնել»,-ասաց նա:
Փաստորեն, գործը հասավ “մակառբաշուն”՝ նախկին նախագահների արտհանձման պահանջն այլեւս սովորական երևույթ է, որը ոչ մեկի չի զարմացնում։ Տհենց բանե՞ր ենք հանձնել։
Ավելին՝ այդ պահանջի կոնտեքստում չի քննարկվում, որ դրանով Բաքուն ու Երևանը փորձում են Ղարաբաղյան շարժման, պատերազմների և Արցախի “օկուպացիայի” մեջ մեղադրել “ղարաբաղյան կլանը”։ Քնարկվում է միայն, որ Բաքվում դատարանը արդար չէ, դրա համար պետք չէ նրանց հանձնել։ Մեկ էլ ասվում է՝ Հայաստանը չի արտահանձնում իր քաղաքացիներին։ Այսինքն, եթե դա չլինի, կհանձնեն։
Այս ամենի եզրակացությունը մեկն է՝ նաղկին նախագահներին և զինվորականներին պատրաստվում են դատել հենց Երևանում, ընդ որում, ոչ թե կոռուպցիայի, Հայաստանի բոլոր ակտիվները ռուսներին տալու կամ այդպես էլ չբացահայտված “մարտի 1-ի” համար։ Կդատեն հենց նույն մեղադրանքով, ինչն ասում է Ալիևը։ “Ղարաբաղյան կլանը”՝ ռուսների ցուցումով “ուզուրպացրել է իշխանությունը Հայաստանում, որպեսզի “օկուպացնեն” ուրիշին պատկանող Ղարաբաղը և թույլ չտան տարածաշրջանը “խաղաղ” զարգանա։
Նիկոլ Փաշինյանը երեկ արդեն հնչեցրել է նման մեղադրանք։
«Ընտրակեղծարար-ուզուրպատորնե՛ր, չմոռանաք ասել, թե ձեզ իշխանության բերողներն ինչի՞ համար են ձեզ իշխանության բերել Հայաստանի Հանրապետությունում: Դուք դա չեք ասի, ես ասեմ. որ Հայաստանի Հանրապետությունը երբեք անկախ պետություն չլինի, որ պետություն չլինի ընդհանրապես», – նշել է երեկ Փաշինյանը:
Այսինքն՝ նա մեղադրում է Ռոբերթ Քոչայանին և Սերժ Սարգսյանին /կարծես Լևոն Տեր Պետրոսյանը կապ չունի Ղարաբաղյան շարժման հետ/, որ նրանք ընտրություններ են կեղծել, “իրենց բերողների” ցուցումով ուզուրպացրել են իշխանությունը Հայաստանում, որ ամբողջ ռեսուրսները վատնեն “Ղարաբաղը պահելու” անիրատեսական նպատակի համար և թույլ չտան Հայաստանը անկախ պետություն լինի։ Իսկ ռազմական “խունտան” նույիսկ կռվել է դրա համար։
Սա չափազանց լուրջ մեղադրանք է, և չի բացառվում, որ Քոչարայնի, Սարգսյանի և դաշտային գեներալինետի դեմ այս “հանցագործության” հատկանիշներով քաղաքական գործեր հարուցեն և դատեն։ Որ Փաշինյանը դատված չլինի Հայաստանը ճիշտ ուղու վրա վերադարձնելու համար։
Նաիրա Հայրումյան