Ուկրաինան համաձայնել է 30-օրյա զինադադարի, ԱՄՆ-ն վերսկսում է ռազմական մատակարարումները և հետախուզական տեղեկատվության փոխանակումը
- 22:51 11.03.2025
Ուկրաինայի և ԱՄՆ-ի պատվիրակությունները Ջիդդայում կայացած բանակցություններից հետո հանդես են եկել համատեղ հայտարարությամբ։ Նրա ամենակարևոր տարրերը. Ուկրաինան պատրաստ է համաձայնել «30-օրյա ժամանակավոր զինադադարին, որը կարող է երկարաձգվել կողմերի փոխադարձ համաձայնությամբ՝ Ռուսաստանի Դաշնության կողմից ընդունման և միանշանակ իրականացման դեպքում»:
Հայտարարության մեջ նաև ասվում է, որ Միացյալ Նահանգները կվերսկսի Ուկրաինային անվտանգության ապահովումը և հետախուզական տեղեկատվության փոխանակումը:
ԱՄՆ պետքարտուղար Մարկո Ռուբիոն նշել է, որ գնդակն այժմ Ռուսաստանի դաշտում է։ Նա նշել է, որ հրադադարը ուժի մեջ կմտնի, եթե Ռուսաստանը դրական պատասխան տա։ Այնուհետ, ըստ պետքարտուղարի, պետք է սկսվեն խաղաղության բանակցությունները։