Չինաստանը տարածքը կվերադարձնի՞ Երևանին. չափազանց մեծ դեսպանություններն այլևս պետք չեն
- 11:37 13.03.2025
ՀՀ նախկին նախագահ Սերժ Սարգսյանին մեղադրանք է առաջադրվել հողերի ապօրինի վաճառքի հետ կապված նոր հանցագործությունների համար, գրում է «Հրապարակ» թերթը։ Նա կասկածվում է Երեւանի Եռաբլուր զինվորական պանթեոնի հարակից տարածքում գտնվող հողատարածքների ապօրինի վաճառքի գործով առանձնապես խոշոր չափերի գումարմների յուրացման եւ փողերի լվացման մեջ։
«Հրապարակ»-ի աղբյուրները պնդում են, որ հողատարածքի հիմնական գնորդը, որն, ի դեպ, այնքան էլ մոտ չէ Եռաբլուրին, եղել է Չինաստանի դեսպանատունը։ Գործարքը կնքվել է 2005 թվականին կառավարության որոշմամբ, և այսօր այդ վայրում տեղակայված է Չինաստանի դիվանագիտական ներկայացուցչությունը։
Ռուսաստանում բազմիցս բողոքում էին այն փաստի շուրջ, որ Երևանում է գտնվում աշխարհում ԱՄՆ ամենամեծ դեսպանատներից մեկը, որը զբաղեցնում է Երևանյան լճի գրեթե ամբողջ արևելյան ափը: Չինաստանը լուռ էր, բայց 2000-ականների սկզբին որոշեց գնել նույն լճի հարավային ափը և այնտեղ կառուցել նույնքան մեծ դեսպանատուն, որը նույնպես ռեկորդային է տարածաշրջանում մասշտաբներով։ Ռուսաստանը մոտակայքում ուղղափառ եկեղեցի է կառուցել՝ իրադարձություններին ավելի մոտ լինելու համար։
Չինաստանի դեսպանատունը, ըստ ամենայնի, սկսել է ինչ-որ մեկին խանգարել, և այժմ լուծվում է միաժամանակ երկու խնդիր՝ սևացնել Սերժ Սարգսյանին, և միաժամանակ կասկածի տակ դնել Չինաստանի դեսպանատան տարածքի օրինականությունը։
Թեեւ հնարավոր է, որ Չինաստանն ու ԱՄՆ-ն այլեւս մեծ դեսպանատների կարիք չունեն Երեւանում։