Միրզոյան․ «Ես այս պահին Լեռնային Ղարաբաղի հայերի վերադառնալու եւ անվտանգ ապրելու պայմաններ չեմ տեսնում»
- 14:17 14.03.2025
«Ես այս պահին Լեռնային Ղարաբաղի հայերի վերադառնալու եւ անվտանգ ապրելու պայմաններ չեմ տեսնում»,- այս մասին այսօր Ազգային ժողովում ասաց ԱԳ նախարար Արարատ Միրզոյանը։
«Մենք վաղուց ֆիքսել ենք, որ Լեռնային Ղարաբաղի ժողովրդի համար ստեղծվել են այնպիսի պայմաններ, որ նրանց ֆիզիկական անվտանգ գոյությունը հնարավոր չի եղել։ Եվ տեղի է ունեցել բռնի տեղահանություն։ Ուզում եմ շատ ուղիղ ասել, որ ես այս պահին Լեռնային Ղարաբաղի հայերի՝ իրենց բնօրրան, իրենց տներ վերադառնալու եւ անվտանգ ապրելու պայմաններ չեմ տեսնում։ Եվ, անկեղծ ասած, չեմ տեսնում նաեւ Ադրբեջանի կողմից ջանքեր՝ այդ պայմաններն ապահովելու ուղղությամբ»,- ասաց Միրզոյանը։