«Արցախը հարց մենք չենք փակում»․ Միրզոյան

Ազգային ժողովում լրագրողների հետ ճեպազրույցում ԱԳ նախարար Արարատ Միրզոյանին հարց ուղղվեց՝ ո՞վ է ՔՊ-ականներին իրավունք տվել հայ ժողվորդի անունից փակել Արցախի հարցը։ Հադրութի ու Շուշիի դեօկուպացիան չիրականացրած իշխանությունը ինչո՞ւ է հիմա ուզում Արցախի հարցը մեկընդմիշտ փակել։

«Արցախը հարց մենք չենք փակում»,- ասաց Միրզոյանը։ Նա ուզում էր նորից ասել՝ Արցախ, բայց արագ իրեն ուղղեց․ «Լեռնային Ղարաբաղի լուծարման մասին փաստաթուղթը ես չեմ ստորագրել։ Երբ ԼՂ-ն պաշարման մեջ էր, ես էի, վարչապետ Փաշինյանն էր, մեր քաղաքական ուժն էր լուծումներ փնտրում։ Այդ թվում՝ տարբեր հանդիպումներ էինք փնտրում, որտեղ հնարավոր էր լուծումներ գտնել, բայց այդ հանդիպումները բարեհաջող ջրվում էին, էլի ոչ մեր կողմից։ Իսկ մինչեւ պատերազմը էլի լուծումների հնարավորություն կար, այդ ժամանակ այդ լուծումները մերժելով էր, որ այդ հարցը համարվում էր սպառված»։