Պուտինը պատասխանել է Կուրսկի մարզում ուկրաինացի զինվորներին խնայելու Թրամփի կոչին
- 23:19 14.03.2025
Կուրսկի շրջանի ուկրաինացի զինվորականների կյանքը՝ զենքերը վայր դնելու դեպքում երաշխավորված կլինի, հայտարարել է ՌԴ նախագահ Վլադիմիր Պուտինը։ Ավելի վաղ ԱՄՆ նախագահ Դոնալդ Թրամփն իր ռուս գործընկերոջը խնդրել էր խնայել շրջափակված Ուկրաինայի զինված ուժերի զինվորներին։
«Զենքերը վայր դնելու և հանձնվելու դեպքում Կուրսկի շրջանում ուկրաինական զորքերին երաշխավորվելու է կյանք և արժանապատիվ վերաբերմունք՝ միջազգային իրավունքի նորմերին և Ռուսաստանի Դաշնության օրենքներին համապատասխան», – ասել է Պուտինը։
Նրա խոսքով, Կիևը պետք է ուկրաինական զինված ուժերի զինվորներին զենքերը վայր դնելու հրաման տա։
Թրամփը ժամեր առաջ ասել է, որ «ուկրաինական հազարավոր զինծառայողներ ամբողջությամբ շրջապատված են ռուսական զորքերով և գտնվում են շատ վատ ու խոցելի վիճակում»։