Պուտինը խոստանում է չհարձակվել Օդեսայի վրա, բայց մեկ պայմանով

Պուտին-Թրամփ երեկվա բանակցություններից հետո վերլուծաբաններն ու լրատվամիջոցները փորձում են պարզաբանել, թե ինչ է փոխվել ուկրաինական կարգավորման հարցում։ Պաշտոնական արդյունքներն այնքան էլ լավ չեն՝ Պուտինի խոստացել է չհարձակվել Ուկրաինայի էներգետիկ օբյեկտների վրա (բայց այսօր Ռուսաստանը նոր հարձակում է սկսել հենց այս օբյեկտների վրա)։

Ինչ վերաբերում է ոչ հրապարակային հատվածին, ապա, օրինակ, «Կոմերսանտ»-ից Անդրեյ Կոլեսնիկովն ասում է, որ Պուտինը ցանկանում է, որ Ուկրաինան և ամբողջ աշխարհը ճանաչեն Ղրիմը, Դոնբասը, Զապորոժյեն և Խերսոնի շրջանը որպես Ռուսաստանի Դաշնության մաս։ Ի պատասխան՝ նա, իբր, պատրաստ է ոչ միայն դադարեցնել պատերազմը, այլեւ խոստացել է այլևս չհարձակվել Ուկրաինայի վրա։

Նրա խոսքով, եթե Արևմուտքն ու Կիևը ընդունեն Պուտինի առաջարկը, ռուսական բանակը Օդեսան չի գրոհի։ Հակառակ դեպքում Ուկրաինայի զինված ուժերը ժամանակ չեն ունենա քաղաքի պաշտպանությանը պատրաստվելու։

Օդեսան վերցնելը Պուտինին թույլ կտա վերահսկել ոչ միայն Սև ծովը, այլև հասնել Մերձդնեստր, այսինքն՝ Մոլդովայի և, համապատասխանաբար, Ռումինիայի հետ սահման։

Թրամփը կարող է աջակցել Ռուսաստանի առաջնորդ Վլադիմիր Պուտինին տարածքային հարցում և, հնարավոր է, ընդգրկել Օդեսայի կարևորագույն նավահանգիստը կարգավորման օրակարգում, ինչը անհանգստացնում է Կիևին, գրում է The New York Times-ը՝ վկայակոչելով Ուկրաինայի նախագահ Վլադիմիր Զելենսկու օգնականներին։