Կոստանդնուպոլիսը կարող է լինել ներկայիս աշխարհակարգի փլուզման սկիզբը. Իմամօղլուի ձերբակալությունը

Չորեքշաբթի օրը՝ մարտի 19-ին, Թուրքիայի իշխանությունները ձերբակալել են Ստամբուլի ընդդիմադիր քաղաքապետ Էքրեմ Իմամօղլուին՝ կոռուպցիայի և ահաբեկչական կազմակերպությանն օժանդակելու կասկածանքով։ Էքրեմ Իմամօղլուն համարվում է Էրդողանի գլխավոր մրցակիցը։ Իմամօղլուի հետ մոտ հարյուր մարդ է բերման ենթարկվել։

Թուրքիայի ամենամեծ ընդդիմադիր Ժողովրդահանրապետական ​​կուսակցության ղեկավար Օզգուր Օզելը դա անվանել է հեղաշրջման փորձ և կոչ է արել կողմնակիցներին դուրս գալ փողոց։

Հազարավոր մարդիկ դուրս են եկել փողոց՝ աջակցելու քաղաքի կալանավորված քաղաքապետ Էքրեմ Իմամօղլուին, ով համարվում է նախագահ Ռեջեփ Էրդողանի գլխավոր հակառակորդը գալիք նախագահական ընտրություններում՝ հերթական, թե արտահերթ։

Տեղական լրատվամիջոցները հայտնում են, որ հազարավոր ուսանողներ դուրս են եկել փողոց։ Նրանք ճեղքել են ոստիկանական շղթան, իսկ անվտանգության ուժերը պատասխանել են արցունքաբեր գազով և մահակներով։ Բողոքի ցույցեր են տեղի ունենում նաեւ Անկարայում։

Ինչպես գրում է Bloomberg-ը, Իմամօղլուի ձերբակալության ֆոնին թուրքական լիրան դոլարի նկատմամբ ընկել է ռեկորդային նվազագույնի` ավելի քան 10%-ով։ Բացի այդ, ձերբակալությունը առաջացրել է ակտիվների զանգվածային վաճառք, Borsa Istanbul 100 ինդեքսի անկում (-6,9%) և պետական ​​պարտատոմսերի եկամտաբերության աճ:

Փորձագետները նշում են, որ Էրդողանը մտադիր է այս տարի արտահերթ նախագահական ընտրություններ նշանակել։ Ապրիլի վերջին (գուցե ապրիլի 24-ի՞ն) նա մտադիր է մեկնել ԱՄՆ և հանդիպել նախագահ Թրամփի հետ։ Ըստ երևույթին, մինչ այդ Էրդողանը պետք է լուծի իրեն վրա դրված բոլոր խնդիրները՝ Սիրիայի և Հայաստանի ապասուվերենիզացիա, ինչպես նաև Վրաստանի ինկոռպորացիա։ Դրանից հետո նա կարող է ընտրություններ անցկացնել և դառնալ ցմահ սուլթան (Թրամփն էլ էր ասել, որ սա իր վերջին ընտրությունն է, քանի որ կարող է այլևս ընտրություններ չլինեն)։

Էրդողանը արագացված տեմպերով է լուծում իր խնդիրները՝ նա կազմակերպել է ալավիների ցեղասպանությունը Սիրիայում, իսկ Հայաստանին մղում է ինքնալուծարման կամավոր ակտի՝ սպառնալով Ալիևի ռազմական ուժով։

Սակայն Էրդողանը կարող է սայթակել իր ներքին քաղաքականության պատճառով, եթե ուժայինները անցնեն ընդդիմության կողմը: Զինվորականները միշտ եղել են որոշիչ գործոն Թուրքիայում, և թեև Էրդողանը տարիների ընթացքում չեզոքացրել է Գլխավոր շտաբի ազդեցությունը, իսկ նրա գլխավոր մրցակից Ֆեթուլլահ Գյուլենն անսպասելիորեն մահացել է, ոչ մի երաշխիք չկա, որ զինվորականները չեն միանա ցուցարարներին։

Ֆոնդային բորսայում փոփոխությունները վկայում են այն մասին, որ շուկան զգում է քաղաքական անկայունություն և մոտեցող սուր ճգնաժամ։ Կկարողանա՞ Էրդողանը դիմանալ դրան։

Ներկայիս աշխարհակարգի փլուզումը սկսվելու է Թուրքիայից։