Զանգվածային ցույցեր Երուսաղեմում. Ոչ պատերազմին՝ հանուն պատանդների

Ցուցարարները պահանջում են թույլ չտալ «Շին Բեթ»-ի ղեկավարի հրաժարականը և դադարեցնել պատերազմը՝ հանուն պատանդների

Երուսաղեմում զանգվածային բողոքի ցույց է տեղի ունենում Շին Բեթի ղեկավար Ռոնեն Բարի պաշտոնանկության և Գազայի հատվածում ռազմական գործողության դեմ, որը ցուցարարներն անվանել են «մահացու սպառնալիք պատանդների համար»։ Բախումներ են տեղի ունեցել ոստիկանության հետ։

Այնուհետև հազարավոր ցուցարարներ շարունակել են իրենց երթը դեպի Ազա փողոց, որտեղ գտնվում է վարչապետ Բենիամին Նեթանյահուի նստավայրը։

Բողոքի ակցիային մասնակցել են նաև ընդդիմության առաջնորդ Յաիր Լապիդը, պաշտպանության նախկին նախարար Մոշե (Բուգի) Յաալոնը և նախկին վարչապետ Էհուդ Բարաքը: