ԵՄ դիտորդները կարող են մնալ Հայաստանում, պարտադիր չէ՝ սահմանին
- 11:09 21.03.2025
Հայաստանում գտնվող «Ռասմուսեն գլոբալ» կազմակերպության նախագահ, ՆԱՏՕ նախկին գլխավոր քարտուղար, Դանիայի նախկին վարչապետ Անդերս Ֆոգ Ռասմուսենը Պետրոս Ղազարյանի հետ զրույցում ադնդարձել է խաղաղության գործընթացին, ԵՄ դիտորդական առաքելությանը եւ մի շարք այլ կարեւոր հարցերի:
Պետրոս Ղազարյանը Եվրոպայի կողմից տրվող 10 մլն եվրոն ծիծաղելի գումար է անվանել եւ ավելացրել, որ Հայստանին պետք է եւ գումար, եւ ինտելեկտ, եւ զենք: Այստեղ Արեւմուտքը կարո՞ղ է մեր դաշնակիցը լինել, թե ոչ, հարցրել է Պետրոս Ղազարյանը, որովհետեւ Հայստանում ընդդիմախոսները ասում են դա չի լինի, եկեք լավ, թե վատ բռնենք Ռուսաստանի պոչը:
Դե, հաշվի առնելով վերջին իրադարձությունները, գիտենք, որ Ռուսաստանն ընդհանրապես բան չի անում Հայաստանին պաշտպանելու համար: Մասնավորապես, Ադրբեջանի հարձակումների ժամանակ: Ոչ Լեռնային Ղարաբաղում, ոչ այլ տեղերում: Ռուսաստանի այսպես կոչված խաղաղապահները լուռ են եղել: Հետեւաբար չեմ կարծում, որ պատմությունը որեւէ կերպ փաստում է Ռուսաստանի ցանկությունը Հայաստանին օգնելու: Ես չեմ կարող խոսել բոլոր Արեւմտյան երկրների անունից, բայց գիտեմ, որ օրինակ Ֆրանսիան օգնել է Հայաստանին ռազմականորեն: Եվ ես համաձայն եմ, որ Ադրբեջանին ապագա հարձակումներից զսպելու գործիքներից մեկը, այո, պետք է լինի ռազմական հավասարակշռության վերականգնումը, ինչն էլ ենթադրում է լրացուցիչ ռազմական աջակցություն Հայաստանին, պատասխանել է Անդերս Ֆոգ Ռասմուսենը։
Անդրադառնալով ԵՄ դիտորդական առաքելությանը Հայաստանում, Անդերս Ֆոգ Ռասմուսենն ասել է.
Կարծում եմ դեռ շատ վաղ է այդ մասին խոսել, քանի դեռ համաձայնագիրը չի ստորագրվել, սակայն վստահ եմ, և նրանք (ԵՄ դիտորդները) նույնպես վստահ են, որ դեռ հնարավոր կլինի ներկա լինել Հայստանում: Միգուցե ոչ սահմանին մոտ, բայց կարող են ունենալ, օրինակ, գրասենյակներ Հայստանի տարբեր հատվածներում եւ շարունակել իրենց դիտորդական առաքելությունը: Ես անձամբ վստահ եմ, որ այդ առաքելությունը չափազանց կարեւոր է, կարեւոր է ունենալ օտարերկրացի դիտորդներ սահմանին, ովքեր կկարողանան հստակ տարանջատել սուտը ճշմարտությունից` հաշվի առնելով այն մեղադրանքները, որ հնչում են ժամանակառժամանակ: Հետեւաբար հուսով եմ, որ ԵՄ դիտորդական առաքելությունը կմնա հայակական հողի վրա եւ ինչպես գիտենք, նրանց մանդատը երկարաձգվել է եւս երկու տարով:
Հարցազրույցն ամբողջությամբ: