Ոչ մի տեղ չի նշվում, թե ում համար է Հայաստանը օգնություն ուղարկում Սիրիա

Հայաստանի կողմից Մարգարայի անցակետով մարդասիրական օգնություն է ուղարկվել Սիրիային:

Ըստ ԱԳՆ տարածած հաղորդարության՝ Սիրիային ուղարկված մարդասիրական բեռը ներառում է սնունդ և բժշկական պարագաներ:

«Մարդասիրական օգնությունը Սիրիա կառաքվի Հայաստանը Թուրքիային կապող «Մարգարա» անցակետով, որն այս նպատակով բացվել է Թուրքիայի հետ երկկողմ պայմանավորվածության արդյունքում։ Այս առնչությամբ շնորհակալություն ենք հայտնում նաև թուրքական կողմին՝ մարդասիրական բեռի առաքման սահուն կազմակերպմանն օժանդակելու համար», – ասված է հաղորդագրությունում։

Հաղորդագրության մեջ չի նշվում, թե ում համար է օգնությունը․ Սիրիայի հայե՞րի, Լաթաքիայի ալավիտնե՞րի, թե՞ թուրքամետ իշխանական ուժերի։