«Ռուս և թուրք խաղաղապահները ստեղծել են հրադադարի և բոլոր ռազմական գործողությունների մոնիտորինգի հուսալի համակարգ»
- 14:35 22.03.2025
ՌԴ ՊՆ ներկայացուցչի գեներալ Իստրակովի ելույթից 2024 թվականի ապրիլի 18-ին Լեռնային Ղարաբաղում ռուս-թուրքական համատեղ մոնիտորինգի կենտրոնի փակման ժամանակ.
https://www.facebook.com/share/v/1A8b2FZxCa/
Ռուս և թուրք խաղաղապահները ստեղծել են հրադադարի և բոլոր ռազմական գործողությունների նկատմամբ վերահսկողության հուսալի համակարգ և ամուր հիմքեր են դրել բազմաչարչար հողում խաղաղ կյանքի հաստատման համար։ Ռուս և թուրք գործընկերների առաջադրած բոլոր խնդիրները լուծվել են բարեկամական աշխատանքային մթնոլորտում։ Ղարաբաղում ռուսական խաղաղապահ կոնտինգենտի հետ միասին արվել է հնարավորը տարածաշրջանի կառուցողական և առանց հակամարտությունների զարգացման համար։
Կենտրոնի հաջող աշխատանքը՝ հիմնված փոխադարձ հարգանքի և միջազգային մարդասիրական իրավունքի գերակայության վրա, հնարավորություն է տվել ժամանակից շուտ ավարտել խաղաղապահ գործողությունը և սկսել ռուսական խաղաղապահ զորախմբի դուրսբերումը Ադրբեջանի Լեռնային Ղարաբաղի տնտեսական տարածաշրջանի տարածքից։
Համատեղ կենտրոնի օրինակով մենք տեսանք, թե ինչպես կարելի է դրական արդյունքների հասնել ճիշտ նպատակներին ուղղված համակարգված և պրոֆեսիոնալ համատեղ աշխատանքի միջոցով։ Ադրբեջանա-ռուս-թուրքական հարաբերությունները զարգանում են բարեկամության և բարիդրացիության ոգով, տարբեր ոլորտներում համատեղ խոշոր տնտեսական նախագծեր են իրականացվում։ Բաքուն, Մոսկվան և Անկարան հաջողությամբ համակարգում են ջանքերը տարածաշրջանային և համաշխարհային օրակարգի կարևոր խնդիրների լուծման ուղղությամբ։
Պաշտպանության նախարարի և գլխավոր շտաբի պետի անունից իմ երախտագիտությունն եմ հայտնում Ռուսաստանի, Թուրքիայի և Ադրբեջանի զինծառայողներին, ովքեր արժանիորեն կատարեցին իրենց մարտական պարտքը՝ հանուն խաղաղության և հանգստության ողջ Հարավային Կովկասում։