Սյունիքը Հայաստանի տարածքի անբաժան մասն է. Օլիվիե Դըկոտինյի
- 19:43 24.03.2025
Սկսում եմ բարեկամության, համերաշխության, աջակցության այցը Սյունիք: Սյունիքը Հայաստանի տարածքի անբաժան մասն է, որի բնակիչներն իրավունք ունեն ապրել խաղաղ, առանց անհանգստության եւ սպառնալիքների:
Սյունիքի մարզի Արավուս գյուղը գտնվում է Ադրբեջանի հետ ռազմական շփման գծում։ Ֆրանսիայի աջակցությամբ Կարմիր Խաչի միջազգային կոմիտեն այնտեղ դիսպանսեր է հիմնել։ Հայաստանում Ֆրանսիան ներդնում է իր միջոցները՝ հավատարիմ մնալով իր համոզմունքներին, իր X-ում գրել է դեսպանը։
Ֆրանսիան ու Իրանը ժամանակ առ ժամանակ փորձում են հիշեցնել, որ Սյունիքը Հայաստան է, և վերջ, որ հայ-իրանական սահմանը փոփոխման ենթակա չէ։ Հիշեցնում են, որ “խաչմերուկները” և “խաղաղության համաձայնագրերը” կուգան և կերթան, իսկ Սյունիքը կմնա։ Սակայն իրենք էլ գիտեն, որ Սյունիքը ավել մեծ շանս կունենար մնալ, եթե Իրանն ու Ֆրանսիան նույնը ասեին ու անեին Արցախի հարցով։