Մամիջանյան․ դա մառազմ է, բովանդակության մեջ դա միայն ՀՀ զիջումն է

«Իրենք ուզում են համոզած լինել, որ Ադրբեջանը չէր հավատում, Ադրբեջանի համար զարմանալի էր, որ Հայաստանն ընդունել է այդ առաջարկները։ Այսինքն՝ նույնիսկ Ադրբեջանն է հասկանո՞ւմ, որ Հայաստանի համար ինքնասպանություն են այդ առաջարկները։ Այսինքն՝ էնքան վատն է, որ նույնիսկ, ըստ Ալեն Սիմոնյանի, Ադրբեջանը չէր հավատում, որ Հայաստանը ընդունելու է այդ կարգի կրկնակապիտուլյացիան։ Ալեն Սիմոնյանի այսօրվա ճեպազրույցն ուղղակի ինքնախոստովանություն էր, նա այստեղ կանգնած Ադրբեջանի փաստավաբանությամբ էր զբաղված»,- Ազգային ժողովում լրագրողներին ասաց «Պատիվ ունեմ» խմբակցության ղեկավար Հայկ Մամիջանյանը։

Անդրադառնալով ՔՊ-ականների այն հայտարարություններին, թե այսպես կոչված «խաղաղության պայմանագրի» նախագծում բոլոր կետերը փոխադարձ համաձայնեցված են, Մամիջանյանն ասաց, որ դա մառազմի գագաթնակետն է։ «Ձեւակերպվում է դա որպես երկկողմանի, բայց բովանդակության մեջ դա ՀՀ զիջումն է»,- ասաց նա։