Արցախցիների համար նախատեսված ՀՀ կառավարության բնակարանային ապահովման ծրագիրը ձախողվել է
- 20:41 25.03.2025
Արցախցիների համար նախատեսված ՀՀ կառավարության բնակարանային ապահովման ծրագիրը ձախողվել է, շահառու հանդիսացող 25-30 հազար ընտանիքների մի փոքր մասն է այդ ծրագրից օգտվել։ Այս մասին ԱԺ նիստում ասաց «Հայաստան» խմբակցության պատգամավոր Արթուր Խաչատրյանը։
Նա հավելեց, որ արցախցիները սոցիալ-տեսական բազմաթիվ խնդիրների առաջ են կանգնած, իսկ 40+10 հազար աջակցության ծրագրի դադարեցումը հանգեցնելու է սոցիալական անկայունության խորացմանը։
«Ուստի, պատահական չէ, որ արցախցի մեր հայրենակիցները մարտի 29-ին՝ շաբաթ օրը, ժամը 3-ին Ազատության հրապարակում հանրահավաք են կազմակերպելու՝ բարձրացնելու իրենց սոցիալական, իրավական եւ այլ իրավունքների ոտնահարման մասին։ Մենք մեր բոլոր հայրենակիցներին կոչ ենք անում միանալ արցախցիներին՝ պահանջելու կառավարությունից լուծել արցախցիների առաջ ծառացած խնդիրները, մինչեւ կապահովվի նրանց վերադարձի իրավունքի եւ սեփական ճակատագիրը տնօրինելու իրավունքի իրացումը»,- ասաց Արթուր Խաչատրյանը։