Ֆրանսիական հեռուստաալիքը ներողություն է խնդրել առանց Հայաստանի քարտեզի համար, իսկ ի՞նչ քարտեզներ են ցուցադրվում Հայաստանում
- 10:00 26.03.2025
Ֆրանսիական Arte France հեռուստաալիքը ներողություն է խնդրել իր «28 րոպե» հաղորդման մեջ առանց Հայաստանի տարածաշրջանի քարտեզը հրապարակելու համար։ Այս մասին հայտնում է լրագրող Գրիգոր Ամիրզանյանը։
Հաղորդման հաղորդավարուհի Էլիզաբեթ Քինը ներողություն է խնդրել կատարվածի համար՝ նշելով, որ դա կոլեկտիվ սխալ է եղել, և որ հաղորդումը ստեղծողները զղջացել են կատարվածի համար։ Նա շնորհակալություն հայտնեց հանդիսատեսին ներողամտության համար՝ նշելով, որ չարամիտ դիտավորություն չի եղել։
ՀՀ ԱԺ նախկին պատգամավոր Անի Սիմոնյանը գրել է.
Ֆրանսիայում և Գերմանիայում հեռարձակվող ARTE հեռուստաալիքի ցուցադրած Հարավային Կովկասի քարտեզում չկա Հայաստանը: Այն ներառված է Ադրբեջանի կազմի մեջ:
Եթե այս երկու երկրում գտնվող ՀՀ դեսպանները այնպես չարեցին, որ հեռուստաալիքը հրապարակային ներողություն խնդրի ՀՀ-ից և աշխարհի հայերից ու շաբաթը առնվազն երկու անգամ Հայաստանի մասին վավերագրական ֆիլմ չցուցադրի, ուրեմն կարող են հավաքել իրենց ճամպրուկները ու հետ վերադառնալ Հայաստան: Իմաստ չունի իրենց դեսպան պահել:
Կարող եք, ի վերջո, նաև դատի տալ ու փոխհատուցում պահանջել:
Ֆրանսիայի հայկական կազմակերպությունների համակարգող խորհուրդը (CCAF) նշել է, որ Հայոց ցեղասպանությունից 110 տարի անց Arte France-ն իրականացնում է պանթուրքական երազանքը և պարզապես ջնջում է Հայաստանը աշխարհի քարտեզից։ Ֆրանսիայում լույս տեսնող «Հայաստան» ամսագիրը գրել է, որ Արտեից ներողություն է ակնկալում։
Իսկ ի՞նչ քարտեզ է ցույց տալիս հայկական հեռուստատեսությունը եւ ինչու են ադրբեջանցիները հիշել Փաշինյանի բուկլետի մասին:
