Փաշինյան․ Ես առանց սեթեւեթանքի ուզում եմ աներկբա ասել՝ մենք Ղարաբաղյան շարժումը չպետք է շարունակենք

Եվրախորհրդարանը բանաձեւ է ընդունել, Շվեյցարիայի խորհրդարանը Արցախի հարցով խաղաղության համաժողով կազմակերպելու բանաձեւ է ընդունել, ինչպե՞ս է պատրաստվում իրացնել այս գործիքները, միջազգային քաղաքական այս կապիտալը ՀՀ կառավարությունը։ Այս հարցն Ազգային ժողով-կառավարություն հարցուպաասխանի ժամանակ Նիկոլ Փաշինյանին ուղղեց «Հայաստան» խմբակցության պատգամավոր Լիլիթ Գալստյանը։

Նիկոլ Փաշինյանը հարցին հստակ պատասխան չտվեց։ Լիլիթ Գալստյանը կրկնեց հարցը՝ նշելով, որ Նիկոլ Փաշինյանը ոչինչ չասող հայտարարություններ է անում։

«Լեռնային Ղարաբաղի բնակչության իրավունքների հետապնդումը եւ ճակատագիրը ՀՀ կառավորության պարտականությունն է։ Իսկ այն, որ հայկական կողմի զիջումներն առավել քան համարձակ են, ասաց նաեւ Գերմանիայի ԱԳ նախարարարը։ Ինչո՞ւ չի գործածվում փոխադրաձության սկզբունքը, դուք հրաժարվում եք բոլոր այն գործիքներից, որոնք մեզ ուժեղացնում են, ինչո՞ւ եք հրաժարվում միջազգային հայցերից»,- հարցրեց Լիլիթ Գալստյանը։

«Հայցերի հետ վերցնելու պահը ուժի մեջ է մտնում պայմանագիրը ստորագրելուց եւ այն վարերացնելուց հետո։ Այդ հայցերը հետ վերցնելը վերաբերում է ոչ միայն Հայաստանին, վերաբերում է նաեւ Արդբեջանին։ Այդ հայցերը հետ վերցնելու արդյունքում ինչքան Հայաստանն է թուլնալում, այնքան թուլանալու է Ադրբեջանը»,- ասաց Փաշինյանը։

Այնուհետեւ նա հավելեց․ «Ֆունդամենտալ հարցը հետեւայլն է՝ ՀՀ ժողովուրդն ուզո՞ւմ է շարունակել Ղարաբաղյան շարժումը, թե՞ չի ուզում շարունակել։ Ես առանց սեթեւեթանքի ուզում եմ հստակ ու աներկբա ասել՝ ես կարծում եմ, որ մենք Ղարաբաղյան շարժումը չպետք է շարունակենք։ Հետեւաբար, ինչո՞ւ ենք հետաձգում ԵԱՀԿ Մինսկի խմբի հարցով լուծարման որոշումը, որովհետեւ ուզում ենք համոզվել, որ Ադրբեջանում էլ չկա քաղաքական որոշում, որ իրենք սկսում են մի ուրիշ շարժում, ասենք, օրինակ, «Արեւմտյան Ադրբեջանի» շարժում»։