Արցախը հանձնեցիք, ինձ էլ կարող եք արտահանձնել, բայց խաղաղությունը ավելի մոտ չէ
- 19:11 26.03.2025
«Արցախյան շարժումը դուք չեք սկսել, որ դուք դադարեցնեք։ Շաժումը սկսել է Արցախի ժողովուրդը՝ Արցախն Ադրբեջանին բռնակցելու հաջորդ օրվանից։ Արցախը միջազգային հանրության կողմից ճանաչվել է որպես հակամարտության կողմ դեռեւս 1992 թականի մարտ ամսին։ Նրանք իրենց իրավունքները ձեզ չեն փոխանցել։ Այլ հարց է, որ դուք 2022 թվականին Պրահայում ճանաչեցիք Ադրբեջանի գերիշխանությունը Արցախի Հանրապետության նկտամամբ՝ ընկրկելով Արդբեջանի պահանջի առաջ, եւ ի՞նչ ստացաք, Ադրբեջանը ինչ-որ բան զիջե՞ց։ Այստեղ՝ խորհրդարանում, դուք պահանջում եք հրաժարվել Արցախից, չհրաժարվողներին կարող եք կոչել ռեւանշիստ կամ ադրբեջանական տերմիններով ասած՝ ֆաշիստ, արտահանձնելով Ադրբեջանին հենց թեկուզ մեկը ինձ՝ կոչելով ռեւանշիստ, բայց մեկ է, դրանից խաղաղությունը չի մոտենում»,- ԱԺ-կառավարություն հարցուպատասխանի ժամանակ Նիկոլ Փաշինանին դիմեց «Հայաստան» խմբակցության պատգամավոր Արթուր Խաչատրյանը։
Նիկոլ Փաշինյանն ասաց․ «Ես արձանագրում եմ որպես ՀՀ վարչապետ։ Եվ եթե ՀՀ ժողովուրդն անհամաձայնություն ունենա իմ արձանագրման հետ, ես չեմ լինի ՀՀ վարչապետ»։
Արթուր Խաչատրյանը հայտարարեց, որ Ղարաբաղյան շարժումը շարունակվում է։