Արցախցիներն Ազատության հրապարակում վրաններ են տեղադրում
- 18:03 29.03.2025
«Ժողովուրդն է որոշելու մեր հետագա անելիքները։ Տարբերակ առաջին՝ կառավարությունն ունի երկու շաբաթ ժամանակ՝ փոխելու իր որոշումները։ Եվ եթե ոչ, մենք հավաքվելու ենք այստեղ եւ միասին իրականացնելու ենք մեր հետագա քայլերը»,- Ազատության հրապարակում հրավիրած հանրահավաքում ասաց «Արցախցիների իրավունքների պաշտպանության խորհրդի» անդամ Նժդեհ Իսկանդարյանը։
Նա նշեց, որ երկրորդ տարբերակն այն է, որ նախաձեռնող խումբը մնալու է Ազատության հրապարակում, ձեւավորելու է շտաբ, իրականացնելու է ամենօրյա իրազեկման ակցիաներ։ «Իշխանությունն ունի մեկ շաբաթ ժամանակ, եւ եթե ոչ, մենք կազմակերպելու ենք ավելի մեծ հանրահավաք եւ անցնելու ենք հստակ գործողությունների»,- հայտարարեց նա։
Նժդեհ Իսկանդարյանը հավելեց, որ Արցախի որ արցախցիների խնդիրը համայն հայության հարցն է։
Արցախցիներն Ազատության հրապարակում վրաններ են տեղադրում։