Գորիսուն նախկին վարչական շենքը բնակելի են դարձրել, հիմնականում արցախցիների համար
- 10:05 30.03.2025
Գորիսի կոմունալ ծառայության նախկին եռահարկ շենքը բարեկարգվել, հարմարեցվել է բնակարանների համար։ Մեկ, երկու եւ երեք սենյականոց 18 բնակարանները նախատեսված են հիմնականում արցախցիների համար, բայց գորիսեցիները նույնպես բաժին կունենան, ասել է քաղաքապետ Առուշ Առուշանյանը:
Շինարարությունը նաեւ աշխատատեղի հարց է լուծել 25-30 մարդու համար:
Շենքը վերանորոգվել է 200 մլն դրամ նախագծային արժեքով:
Որքա՞ն այսպիսի շենքեր կլինեն Հայաստանում, որ անցած մեկ ու կես տարում կարելի էր վերանորոգել եւ գոնե 18 ընտանիքի բնակարանային խնդիր լուծել: Կա՞ նման ցանկություն, կարդացողները կարող են եզրակացություններ անել:
Հաշվի առնելով մասշտաբները, 18 բնակարանի խնդիր լուծելն ընդամենը մի կաթիլ է ծովում, բայց ամեն դեպքում, հուսանք Գորիսի օրինակը “վարակիչ” կլինի:
Մարութ Վանյան