Արցախցիները փորձում են ուշադրություն հրավիրել իրենց սոցիալական խնդիրների վրա

«Արժանապատիվ կեցություն հայրենիքում», «Մենք բեռ չենք», «Բնակարանային ծրագիրը ձախողված է, արցախցին՝ անօթեւան». Աշխատանքի եւ սոցիալական հարցերի նախարարության մոտ բողոքի ակցիա անող արցախցիներն այսպիսի գրություններ թողեցին շենք մոտ՝ փորձելով ուշադրություն հրավիրել իրենց սոցիալական խնդիրների վրա։

Նրանք պահանջում են, որպեսզի նախարարության պաշտոնյաները հանդիպեն իրենց եւ քննարկեն խնդիրները։ Արցախցի պատգամավոր Մետաքսե Հակոբյանն ասաց, որ ՀՀ կառավարության բոլոր ծրագրերը միտված են վերացնելու եւ կոտրելու արցախցուն։ Նա ասաց, որ երբեք ՀՀ կառավարությունից փող չեն ուզել, միայն արժանապատիվ կեցություն են ուզում Հայաստանում։ Ըստ նրա՝ բոլոր արցախցիների նպատակը եւ երազանքը մեկն է՝ վերադարձ իրենց հայրենիք։