Այս ռադիոկայանների մայր գործակալությունը՝ USAGM-ի, ֆինանսավորումը դադարեցրել է կառավարության կրճատումների մասին Թրամփի հրամանի պատճառով։ Փետրվարին Մասկը կոչ արեց փակել կայանները՝ ասելով, որ նրանց այլևս ոչ ոք չի լսում:

«Ամերիկայի ձայնը» և «Ազատություն» ռադիոկայանը դադարեցրել են գործունեությունը, հայտնում է Reuters-ը։

«Ես խորապես ցավում եմ, որ 83 տարվա մեջ առաջին անգամ լռեց Ամերիկայի լեգենդար ձայնը»,- գրել է նրա տնօրեն Մայքլ Աբրամովիցը։ Նա մանրամասնեց, որ ավելի քան 1300 լրագրողներ, պրոդյուսերներ և ռադիոյի աշխատակիցներ նամակ են ստացել, որում ասվում է, որ իրենց արձակուրդ են ուղարկել։

Հանրապետության տարածքում՝ մարտի 15-ի ցերեկը, 16-ին, սպասվում է առանց տեղումների եղանակ։

Օդի ջերմաստիճանը մարտի 15-ի ցերեկը, 16-17-ին աստիճանաբար կբարձրանա ևս 1-3 աստիճանով, մարտի 19-20-ին հատկապես ցերեկային ժամերին աստիճանաբար կնվազի 3-5 աստիճանով։

Շիրակում գիշերը՝ -4+1, ցերեկը՝  +14+19,

Կոտայքի լեռներում գիշերը՝ -2+3, ցերեկը՝  +13+18,

Կոտայքի նախալեռներում գիշերը՝ +6+8, ցերեկը՝  +18+21,

Սեւանա լճի ավազանում գիշերը՝ 0-4, ցերեկը՝  +14+18,

Լոռիում գիշերը՝ -2+3, ցերեկը՝  +21+25,

Տավուշում գիշերը՝ +3+5, ցերեկը՝  +22+25,

Արագածոտնի լեռներում գիշերը՝-1-4, ցերեկը՝  +12+15,

Արագածոտնի նախալեռներում գիշերը՝ +5+7, ցերեկը՝  +19+23,

Արարատում գիշերը՝+5+9, ցերեկը՝  +21+23,

Արմավիրում գիշերը՝ +3+5, ցերեկը՝  +23+25,

Վայոց ձորի լեռներում գիշերը՝ 0-3, ցերեկը՝  +15+17,

Վայոց ձորի նախալեռներում գիշերը՝ +5+7, ցերեկը՝  +23+25,

Սյունիքի հովիտներում գիշերը՝ +7+12, ցերեկը՝  +26+28,

Սյունիքի նախալեռներում գիշերը՝  +1+6, ցերեկը՝  +19+23։

Lianna Petrosyan-ը գրում է, որ մարտի 13-ին հրավիրված ներկա է գտնվել ՀՀ ՏԿԵ նախարարին կից Արցախից բռնի տեղահանվածների աջակցման հարցերով ձևավորված հասարակական խորհրդի հերթական նիստին, որին հյուրի կարգավիճակով մասնակցում էին նաև խնդրով հետաքրքրված որոշ ՀԿ-ների ներկայացուցիչներ։

Նիստի օրակարգում 1 հարց էր՝ «Արցախից բռնի տեղահանված սոցիալապես անապահով ընտանիքներին հրատապ սոցիալական աջակցության միջոցառման նախագծի վերաբերյալ զեկուցում», որը ներկայացրել է ԱՍՀՆ տեղակալ Աննա Ժամակոչյանը։

“Կառավարության անդամների հետ ծավալվեց թեժ բանավեճ, ամեն կերպ փորձ արվեց՝ ներկայացնել, որ Կառավարության ծրագրերը լավագույնն են, և ես միտումնավոր դժգոհում եմ դրանցից, ավելին՝ չեմ նպաստում, որ տեղահանվածներն օգտվեն բնակապահովման ծրագրից, բոյկոտում եմ քննարկման ներկայացված նոր որոշման նախագիծը, ինձ «մեղադրեցին» նույնիսկ տեղահանվածների՝ ՀՀ քաղաքացիություն չստանալու և այլ «ապակողմնորոշիչ» գործունեության համար։

Սակայն, բարեբախտաբար, ինձ հետ համակարծիք են ինչպես մեր հազարավոր հայրենակիցները, այնպես և նիստին հրավիրված հյուրերը և խորհրդի կազմում ընդգրկված անձանց մեծամասնությունը”, գրել է Լիաննա Պետրոսյանը։

Նա կոչ է արել Կառավարությունը մշակել բոլոր տեղահանվածների շահերից բխող ծրագրեր։

Ինչ վերաբերում է քննարկմանը, ներկաների մեծամասնությունը նշել է, որ 40+10-ը պիտի շարունակվի և չփոփոխվի՝ տարբերակելով խոցելի խմբերին։

Վերջին օրերին արցախահայության մեջ շրջանառվում են Արցախից բռնի տեղահանվածների սոցիալական աջակցության նոր ծրագրի մասին լուրերը, որոնք ըստ տեղեկությունների ուղղված են լինելու տեղահանված անապահով ընտանիքներին։

Առաջացել է հանրային աղմուկ․ արցախցիներն իրենց դժգոհությունն ու անհամաձայնությունն են հայտնում որոշման վերաբերյալ և այն համարում անտրամաբանական։ Տեղահանվածները սոցիալական ցանցերում հայտնում են իրենց կարծիքները, վրդովմունք արտահայտում ոչ ճիշտ որոշման շուրջ։

Չպետք է տարբերություն դնել Արցախից տեղահանված ընտանիքների միջև և այդ իսկ ձևով առաջացնել պառակտում ու դժգոհության ալիք։ Բոլոր արցախցիներն էլ պետք է շարունակեն օգտվել 50 հազար դրամ աջակցությունից, քանի դեռ չեն ապահովվել բնակարաններով։

Ապրիլ ամսից մարդիկ, ովքեր չեն ընդգրկվելու աջակցության ծրագրերի մեջ, հայտնվելու են դրսերում, ու դա անհերքելի փաստ է։ Սոցիալական ցանցերում արվող հրապարակումներից երևում է, որ արցախցիները կորցրել են վստահությունը բոլորի հանդեպ:

Տարածքային կառավարման և ենթակառուցվածքների նախարարին կից Արցախից բռնի տեղահանվածների աջակցման հարցերով հասարակական խորհրդի հերթական նիստի օրակարգում սոցիալական աջակցության նոր ծրագրի քննարկումն էր, որին մասնակցել է ՀՀ Աշխատանքի և սոցիալական հարցերի նախարարի տեղակալ Աննա Ժամակոչյանը։ Քննարկվել է Արցախից բռնի տեղահանված սոցիալապես անապահով ընտանիքներին ապրիլ ամսվանից նախատեսվող հրատապ սոցիալական աջակցության վերաբերյալ հարցը։

Արցախից բռնի տեղահանվածների աջակցման հարցերով հասարակական խորհրդի բոլոր անդամները դեմ են արտահայտվել՝ շեշտելով բոլոր այն խնդիրները, որոնք ի հայտ են գալու ապրիլ ամսից: Արցախից բռնի տեղահանվածների զգալի մասը սոցիալապես անապահով է, և իրավունք չունեն դադարեցնելու արցախցիներին տրվող միակ աջակցությունը՝ դրանով իսկ խթանելով արցախահայության մասսայական արտագաղթին ՀՀ-ից։

Խոսելով խորհրդի որոշ անդամների հետ՝ տեղեկացանք, որ խնդրահարույց հարցի քննարկումն ընթացել է թեժ մթնոլորտում, դեռևս չի գտել իր լուծումը, սակայն հասկանալի է, որ այն արցախցիների օգտին չի լինելու:

Կարինե ԲԱԽՇԻՅԱՆ