Թուրքիան վերահսկողության տակ է վերցրել Սիրիայում գտնվող T4 ավիաբազան, որտեղ ռուսներն էին
- 21:13 01.04.2025
Tiyas (T4) ռազմական ավիաբազան, ամենայն հավանականությամբ, մոտ ապագայում կգրավվի թուրքական զորքերի կողմից։ Անկարան նախատեսում է այդ օբյեկտում տեղակայել հակաօդային պաշտպանության իր համակարգերը։ Այս մասին հայտնում է Middle East Eye հրատարակությունը՝ վկայակոչելով իրազեկ աղբյուրներ։
Սիրիայում Ասադի տապալումից հետո իշխանության եկան թուրքամետ ուժերը։ «Անկարան և Դամասկոսը ռազմական համագործակցության շուրջ բանակցություններ են վարում դեկտեմբերից: Դրանք սկսվել են Բաշար ալ-Ասադի տապալումից հետո: Համաձայնագիրը նախատեսում է, որ Թուրքիան օդային ծածկույթ և ռազմական պաշտպանություն կտրամադրի Սիրիայի նոր կառավարությանը…
Մինչ թուրք պաշտոնյաները նախկինում նսեմացնում էին Սիրիայում սեփական ռազմական ներկայության հնարավորությունը՝ վաղաժամ անվանելով նման ծրագրերը, բանակցությունները հանգիստ շարունակվում էին»,- ասվում է հոդվածում: Ենթադրվում է, որ Թուրքիան վերահսկողության տակ կառնի ռազմավարական T4 օբյեկտը և «Հիսար” համակարգեր կտեղադրի։
Անկարան նաև նախատեսում է այնտեղ տեղակայել հետախուզական և անօդաչու թռչող սարքեր: Ըստ Անկարայի պլանների՝ բազան և շրջակայքը կհամալրվեն բազմաշերտ հակաօդային պաշտպանության համակարգով՝ հակազդելու օդային լայն սպառնալիքներին: Հաղորդվում է, որ ավիաբազայում արդեն սկսվել են շինարարական աշխատանքներ:
Անկարան ձգտում է կայունացնել երկիրը՝ օգտագործելով իր ռազմական հնարավորությունները և լրացնելով ռուսական և իրանական զորքերի դուրսբերման հետևանքով առաջացած ուժային վակուումը»,- ասվում է հոդվածում։