Այսօր “Աուտիզմ” ախտորոշում ունեցող անձանց միջազգային օրն է
- 19:24 02.04.2025
Այսօր “Աուտիզմ” ախտորոշում ունեցող անձանց միջազգային օրն է։
Խոսելով նման ախտորոշում ունեցող անձանց հասարակությանը ինտեգրելու անհրաժեշտության մասին, պետք է նշել Ստեփանակերտի Ք.Քոքի անվան վերականգնողական կենտրոնի դերը, որին կից 2017 թվականի մայիսին բացվեց Աուտիզմի ցերեկային խնամքի և բուժման կենտրոն։ Այն իր գործունեության բնույթով միակն էր ոչ միայն Արցախում և Հայաստանում, այլև ամբողջ մեր տարածաշրջանում:
Կենտրոնում տարեկան բուժում էին ստանում 72 տարբեր տարիքի երեխա-շահառուներ: Մատուցվում էին բազմապրոֆիլ մասնագիտական ծառայություններ, այդ թվում հոգեբանի, լոգոպեդի, ֆիզիոթերապևտի, էրգոթերոպեվտի և հատուկ մանկավարժների:
Կենտրոնի շնորհիվ շատ շահառուներ դարձան ավելի ինքնուրույն և ինտեգրվեցին հասարակությանը: Ցավոք սրտի, Աուտիզմի կենտրոնը ունեցավ շատ կարճ գործունեության պատմություն:
Արցախից բռնագաղթելուց հետո Ք.Քոքսի անվան վերականգնողական կենտրոնը հասարակական կազմակերպության շրջանակներում շարունակում է աուտիզմով անձանց վիճակի բարելավման ու հասարակոթյանը ինտեգրելու ծրագրերը:
2024 թվականին իրականացվել է “Զարգացում և ինտեգրում” ծրագիրը, որն ուղղված է հատուկ կարիքներ ունեցող երեխաների ու դեռահասների, այդ թվում աուտիզմով անձանց վերականգնման ու հասարակությանն ինտեգրմանը: Ծրագիրը ավարտվեց 2024 թ. դեկտեմբերին:
Բոլորն անհամբեր սպասում են ծրագրի շարունակությանը, և հուսանք, որ կգտնվեն միջոցներ այն շատ մոտ ապագայում շարունակելու համար:
Արսեն Աղաջանյան
