Հայաստանում սպասվում են կարճատև անձրևներ և ամպրոպ

Հայաստանի ողջ տարածքում սպասվում է կարճատև անձրև և ամպրոպ, հայտնում է Հիդրոմետոլոգիայի և մոնիտորինգի կենտրոնը։

Նշվում է, որ նման եղանակ հանրապետությունում կպահպանվի մինչև ապրիլի 7-ը, ապրիլի 5-ին և 6-ին հնարավոր է քամու ուժգնացում՝ 16-20 մ/վ (փոթորկի ուժգնությամբ): Հանրապետությունում օդի ջերմաստիճանն էապես չի փոխվի.

Ապրիլի 3-ին Շիրակում և Գեղարքունիքում օդի ջերմաստիճանը կլինի +15 աստիճան, Կոտայքում և Լոռիում՝ +19, Տավուշում՝ +24, Արագածոտնում՝ +20, Արարատում՝ +20, Վայոց Ձորում՝ +23, Արմավիրում՝ +22, Սյունիքում՝ +28։

Ապրիլի 3-ին նաև Երևանում կդիտվի անձրև, օդի առավելագույն ջերմաստիճանը մայրաքաղաքում կլինի +22։