Սերգեյ Շահվերդյանը կոչ արեց արցախցիների պահանջները չիջեցնել կենցաղային խնդիրների մակարդակի
- 19:58 03.04.2025
«Մեր թիվ մեկ պահանջն է՝ արցախցիների վերադարձի իրավունքների ապահովում կամ այդ ուղղությամբ տեսանելի գործունեություն»,- այսօր լրագրողների հետ զրույցում ասաց Արցախի մշակութային ժառանգության պաշտպանության հանրային խորհրդի քարտուղար Սերգեյ Շահվերդյանը։
Նա նշեց, որ իրենց երկրորդ պահանջն է՝ նախքան արցախցիների վերադարձի իրավունքի ապահովումը, նրանց համար Հայաստանում արժանավայել պայմաններ պետք է ստեղծվեն։
«Երրոդրդ պահանջը՝ տեսանելի գործողություններ հայ պատանդներին Բաքվից հետ բերելու ուղղությամբ, չորրորդը՝ տեսանելի գործողությունների մշակութային ժառանգության պահպանության ուղղությամբ»,- ասաց նա։
Շահվերդյանի խոսքով՝ արցախցիներն ակնկալում են, որ ՀՀ կառավարությունն իրենց այս պահանջները պետք է կատարի։ Սերգեյ Շահվերդյանը նաեւ կոչ արեց արցախցիների պահանջները չիջեցնել կենցաղային խնդիրների մակարդակի։
«Մեր պայքարը 40+10 աջակցության մասին չէ»,- հավելեց նա։