Իրանի ԱԳՆ. Մենք պատրաստ ենք կոշտ պատասխանի ԱՄՆ-ի և Իսրայելի հնարավոր հարձակմանը
- 16:39 07.04.2025
Իրանի նկատմամբ ցանկացած արտաքին ագրեսիա կհանգեցնի երկրի զինված ուժերի կոշտ պատասխանին: Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային՝ ի պատասխան Իրանի միջուկային օբյեկտներին հարվածելու հնարավորության մասին ԱՄՆ-ի և Իսրայելի պաշտոնյաների հայտարարությունները մեկնաբանելու խնդրանքին։
«Իրանի Իսլամական Հանրապետության զինված ուժերը մշտապես պահպանում և կատարելագործում են ցանկացած սպառնալիքին դիմակայելու իրենց կարողությունը: Մենք մեր ողջ ուժով կպատասխանենք մեր երկրի դեմ ցանկացած հարձակման և ագրեսիայի: Նրանք, ովքեր սպառնում են Իրանին, պետք է իմանան, որ եթե այդ սպառնալիքներն իրականացվեն, անմիջապես կստանան համապարփակ պատասխան», – ասել է դիվանագետը շաբաթական ճեպազրույցում: «Իսլամական Հանրապետության դեմ ուղղված ցանկացած սպառնալիք կստանա կոշտ պատասխան»,- հավելել է նա։
Իրանը Օմանը դիտարկում է որպես հնարավոր միջնորդ միջուկային ծրագրի շուրջ ԱՄՆ-ի հետ անուղղակի բանակցություններ սկսելու դեպքում։ Այս մասին հայտարարել է Իսմայիլ Բաղանին։