Չինաստանի նկատմամբ ԱՄՆ-ի մաքսատուրքերը ապրիլի 9-ին աճել են մինչև 104 տոկոս
- 11:23 09.04.2025
Չինաստանից ապրանքների վրա ԱՄՆ-ի նոր մաքսատուրքերը ուժի մեջ են մտել ապրիլի 9-ին՝ Արևելյան ժամանակով կեսգիշերին (Մոսկվայի ժամանակով առավոտյան 7:00-ին): ԱՄՆ նախագահ Դոնալդ Թրամփը հրաժարվել է հետաձգել այդ քայլը, ավելի վաղ հայտնել է Սպիտակ տան մամուլի քարտուղար Քերոլայն Լևիթը։
Պեկինը վրեժխնդիր լինելով սխալվեց,- ասում է Լևիթը,- որովհետև երբ Ամերիկայի վրա հարձակվում են, նա ավելի ուժեղ է պատասխան հարվածում»:
Թրամփը կարծում է, որ Վաշինգտոնը և Պեկինը ցանկանում են համաձայնության գալ, բայց չգիտեն, թե ինչպես դա անել, նաև նշել է Լևիտը։ Միևնույն ժամանակ, Թրամփը խոստանում է «հավանություն ցուցաբերել, երբ Չինաստանը ձեռք մեկնի իրեն» և սպասում է Պեկինից զանգի, հավելել է նա։
Մեկ օր առաջ Թրամփը բացառեց Չինաստանի հետ հետագա բանակցությունները մաքսատուրքերի վերաբերյալ և սպառնաց Չինաստանին նոր կոշտ առևտրային տուրքերով: Եթե Պեկինը մինչև ապրիլի 8-ը չչեղարկի ամերիկյան ապրանքների 34 տոկոս մաքսատուրքերը, ապրիլի 9-ից ուժի մեջ կմտնեն չինական ապրանքների համար 50 տոկոս մաքսատուրքերը, զգուշացրել է նա։ Բացի այդ, ապրիլի 9-ից ուժի մեջ են մտել ԱՄՆ չինական ապրանքների 34 տոկոսի չափով հատուկ տուրքերը, որոնց մասին Թրամփը հայտարարել էր մի քանի օր առաջ։ Մինչ այս ԱՄՆ-ն արդեն իսկ ուներ 20 տոկոս մաքսատուրք չինական ապրանքների վրա։
Այսպիսով, դրանց ընդհանուր չափը կազմել է 104 տոկոս։