Հայաստանի արդարադատության փոխնախարար. Չենք պատրաստվում փոխել Սահմանադրության նախաբանը

Հայաստանի իշխանությունները չեն քննարկում Հայաստանի Սահմանադրության նախաբանը փոխելու հարցը. այս մասին լրագրողներին հայտնեց արդարադատության փոխնախարար Տիգրան Դադունցը։

Նա նաև մեկնաբանել է իր անմիջական ղեկավարի՝ արդարադատության նախարար Սրբուհի Գալյանի խոսքերը, թե նոր Սահմանադրությունը չպետք է վտանգ ներկայացնի Երևանի և Բաքվի միջև կնքված խաղաղության պայմանագրի համար։

Հիշեցնենք, որ ՀՀ Հիմնական օրենքի նախաբանում հղում կա Անկախության հռչակագրին, որտեղ կետ կա Հայաստանը Լեռնային Ղարաբաղի հետ վերամիավորելու մասին։ Այդ կապակցությամբ Ադրբեջանը Հայաստանից պահանջում է փոխել Սահմանադրությունը։