Արցախցիների շտաբ-վրան են այցելել շվեյցարական ՀԿ-ների ներկայացուցիչներ

Այսօր Ազատության հրապարակում տեղակայված Արցախցիների իրավունքների պաշտպանության խորհրդի շտաբ-վրան են այցելել շվեյցարական ՀԿ-ների ներկայացուցիչներ եւ հայտարարել, որ սատարում են արցախցիներին։ «Երբ ինչ-որ տեղ գնում ենք, մարդիկ մեզ հարցնում են՝ ինչպե՞ս են արցախցիները, ինչպե՞ս կարող ենք նրանց օգնել»,- ասացին նրանք։

«Մենք ուզում ենք Հայաստանին օգնել, արցախցիները ստիպված են հայտնվել այստեղ։ Շվեյցարայի կառավարությանը դիմում է ներկայացվել, որպեսզի քննարկում ծավալեն արցախցների հարցով, որպեսզի արցախցիները կարողանան վերադառնալ Արցախ ու իրացնել իրենց իրավունքերը։ Մենք դեռ չգիտենք՝ ինչ կլինի, բայց ուզում ենք կառավարության այդ աշխատանքին օժանդակել։ Դրա համար եկել ենք այստեղ, որ հարցեր տանք մարդկանց, որպեսզի իմանանք՝ ինչ կարիքներ ունեն։ Եվ մենք կտեղեկանցնենք Շվեյցարիայի կառավարությանը, թե այստեղ ինչպիսի իրավիճակ է»,- հայտարարեցին շվեյցարացիները։

Հիշեցնենք, որ Շվեյցարիայի խորհրդարանի ստորին եւ վերին պալատներն ընդունել են բանաձև, որով Շվեյցարիայի կառավարությանը կոչ է արվել կազմակերպել Լեռնային Ղարաբաղի հակամարտության խաղաղ կարգավորմանը նվիրված միջազգային համաժողով։