«Երկիրն այնքան հանգիստ էր թվում». Քեթի Փերին խոսել է իր տիեզերական ուղևորության մասին

Ամերիկացի հայտնի երգչուհի Քեթի Փերին պատմություն է կերտել որպես առաջին ամբողջովին իգական ենթաօրբիտալ թռիչքի մասնակից, որը տեղի է ունեցել Ջեֆ Բեզոսի հիմնադրած Blue Origin ընկերության հրթիռով:

Քեթի Փերին միացել է մի խումբ կանանց, ովքեր թռչել են Տեխասից արձակված New Shepard հրթիռով: Թռիչքի գրեթե 11 րոպեի ընթացքում անձնակազմի հետ պարկուճը հատել է Կարմանի գիծը՝ Երկրից 100 կիլոմետր բարձրության վրա, ինչը տիեզերքի պաշտոնապես ընդունված սահմանն է:

Փերիին տիեզերք գնալուց են միացել նույնքան հայտնի կանայք՝ լրագրող և Բեզոսի հարսնացուն Լորեն Սանչեսը, CBS Mornings-ի հաղորդավար Գեյլ Քինգը, ակտիվիստ Ամանդա Նգուենը, NASA-ի նախկին աշխատակից Այշա Բոեն և պրոդյուսեր Քերիան Ֆլինը:

Փերիի զգացմունքներն այնքան ուժեղ են եղել, որ նա կատարել է հայտնի What a Wonderful World երգի մի մասը տիեզերքում։ «Երկիրն այնքան հանգիստ էր թվում, այնքան հանգիստ… Մենք բոլորս այստեղ ենք միասին», – կիսվել է Բեզոսի հարսնացուն Լորեն Սանչեսը՝ չթաքցնելով իր հուզմունքը: