Գյումրիի քաղաքապետ է ընտրվել Վարդան Ղուկասյանը

Գյումրու նախկին քաղաքապետ Վարդան Ղուկասյանն այսօր կայացած ավագանու առաջին նիստում վերընտրվել է քաղաքապետի պաշտոնում։

Ավելի վաղ Կոմկուսի ցուցակը գլխավորած և ընդդիմադիրներից ամենաշատ ձայներ ստացած Ղուկասյանը հասել էր ընդդիմադիր մրցակիցների աջակցությանը՝ դառնալով միասնական թեկնածու։

Հաշվի առնելով, որ իշխող «Քաղաքացիական պայմանագիրը» չկարողացավ հաղթահարել կառավարման մարմին ինքնուրույն ձևավորելու համար անհրաժեշտ շեմը, ընդդիմության ձայները բավարար էին Ղուկասյանին քաղաքապետ ընտրելու համար։

ՔՊ-ն որոշել է բոյկոտել այսօրվա նիստը։ Քաղաքապետի պաշտոնակատար Սարիկ Մինասյանը, ով գլխավորում էր իշխող կուսակցության ցուցակը, կոչ արեց նոր ընտրություններ անցկացնել։