Գյումրին կմիանա Ռուսաստանի՞ն․ երկրի մասնատման համար կմեղադրեն գյումրեցիներին
- 13:45 16.04.2025
Գյումրու նորընտիր համայնքապետ Վարդան Ղուկասյանը կողմ է Ռուսաստանի հետ միութենական պետությանը։ Նա այդ մասին ասաց լրագրողների հետ ճեպազրույցում։ Դա քաղաքական հայտարարություն է և մատնում է Մոսկվայի քաղաքական պլանները։
Մինչ Գյումրիի ընտրությունները ռուսական փաբլիկները գրում էին, որ եթե Հայատանը “մասնատվի”, ապա Ռուսաստանին “կհասնի” երկրի հյուսիսը՝ Շիրակն ու Լոռին։ Ռուսական բազան արդեն Գյումրիում է, ինչպես ասում են, գյումրեցիներից շատերը ռուսական անձնագիր ունեն, և Ռուսաստանը “գյումրեցիներին պաշտպանելու” լեգիտիմ իրավունք ունի։
Կոմունիստ Վարդան Ղուկասյանի հայտարարությունը՝ առաջին քայլն է այդ ծրագրի երկրորդ մասի։ Ծրագրի առաջին մասը իրականացվել է Արցախում, որտեղ ռուսներն էին 2020 թվականից հետո որոշողները․ պատահական չէ, որ Արցախի “լուծարման” մասին հրամանագիրը գրված էր սալդաֆոն ռուսերենով։
Դա թույլ տվեց ՀՀ ներյայիս իշխանություններին ամեն ինչում մեղադրել Արցախի “նոր իշխանություններին։ Թեկուզ Փաշինյանին լոյալ “հին” իշխանությունն ի դեմս Արային Հարությունյանի պակաս չեր պահանջում, որ ՄԱԿ-ը ռուս խաղաղապահներին մանդատ տար։
Հիմա ՀՀ կառավարությունը Հայաստանի մասնատման երկրորդ մասի համար մեղքը կդնի գյումրեցիների վրա։ Երեկ Փաշինյանը գյումրեցիներին արդեն ասել է՝ ընտրելեք, դե վայելեք։