Ինչ կլինի, եթե իշխանությունը ՀՀ-ում փոխվի․ Միրզոյանի պատասխանը թուրք լրագրողին

Անթալիայի դիվանագիտական ֆորումի շրջանակներում ՀՀ ԱԳ նախարար Արարատ Միրզոյանը հարցազրույց է տվել Թուրքիայում գործող մի քանի լրատվամիջոցների: 

Լրագրող․ Դուք ասացիք, որ համապետական ընտրությունները հաջորդ տարի են, 2026-ին։ Եթե փոփոխություն տեղի ունենա, եթե կառավարությունը փոխվի, արդյո՞ք կլինի փոփոխություն բանակցությունների հարցում քաղաքական գծում։ 

Արարատ Միրզոյան․ Կարող եմ վստահ ասել, որ ՀՀ ներկայիս կառավարության և վարչապետ Փաշինյանի խաղաղության օրակարգը լիարժեք աջակցություն ունի հայ հասարակության կողմից։ Դե, իհարկե, կան նաև քննադատողներ։ Իսկ ինչ վերաբերում է խորհրդարանին, ապա այնտեղ էլ մենք ունենք մեծամասնություն։ Բայց ժամանակը անցնում է, և եթե ՀՀ կառավարությունը չկարողանա ապահովել շոշափելի արդյունքներ կարգավորման գործընթացում, նույնիսկ խաղաղության օրակարգին հավատացողները կարող են հարցեր  բարձրացնել։ Այսինքն, այսօր ունենք աջակցություն, բայց այս աշխարհում ոչինչ անվերջ չէ, և, իհարկե, իրավիճակները կարող են փոխվել։

Շատ հետաքրքիր դիտարկում է, որը կարելի է տարբեր կերպ մեկնաբանել։ Օրինակ՝ եթե մեր իշխանության օրոք չստորագրվի “խաղաղությունը”, որը Հայաստանում կապիտուլյացիա են անվանում, ապա հաջորդ իշխանությունը ազգայնական կլինի, ոչինչ չի ստորագրի և կբարձրացնի հայկական իրավունքները, որոնք մենք թաղել ենք։ Այնպես որ, մի “սադրեք” մեր հասարակությանը։

Երկրորդ մեկնաբանություն․ եթե մենք չլինենք իշխանություն, կգան ռուսական ուժեր և թուրքերից կկրկին “կխլեն” նվաճումները, ինչպես եղել է 1918-21 թթ․։ Այնպես որ, Թուրքիային շահավետ միակ իշխանությունը մենք ենք։