«Դուք շեշտում եք՝ կամ մեզ առաջնորդիր, կամ կգա մի ուրիշ մարդ»

Արցախցիներն այսօր հավաքվել են Երեւանում Արցախի ներկայացուցչության մոտ՝ պահանջելով, որպեսզի Արցախի նախագահ Սամվել Շահրամանյանը գնա դատախազություն ու բացատրություն պահանջի, թե ինչո՞ւ չեն արագացնում Արցախցում տեղի ունեցած թալանի վերաբերյալ գործի քննությունը։

Սամվել Շահրամանյանը դուրս եկավ ու պատասխանեց ներկաների հարցերին։

«Այսօրվա կազմակերպիչները բազմիցս հնարավորություն են ունեցել ինձ հետ հանդիպելու։ Ես տասնյակ անգամ հանդիպել եմ իրենց, մանրամասն ներկայացրել իրավիճակը։ Իրենք ներկայացրել են այսպես կոչված թալանի վերադարձի հետ կապված խնդիրները։ Եթե ձեր ակցիան իրոք իրականում ունի նպատակ՝ վերադարձնելու այդ թալանը, ես ողջունում եմ այս ակցիայի բոլոր մասնակիցներին, ես էլ եմ կողմ, որ թալանը պետք է վերադարձի մեր ժողովրդին։ Այդ նպատալով էլ 2023 թվականի նոյեմբերի 8-ին իմ կողմից համապատասխան գրություն է գրվել ՀՀ դատախազ տիկին Վարդապետյանին։ Դրա հիման վրա հարուցվել է քրեական գործ, այդ շրջանակներում ես հրավիրվել եմ որպես վկա հարցաքննության, առգարվվել են Արցախի Նենրդրումային հիմնադրամի էլեկտորնային կրիչները։ Իրենք տեղյակ են, թե ինչ է կատարվել Արցախի ներդրումային հինադրամում։ Այդ քրեական գործի շրջանակներում հարցաքննվել են նաեւ Արցախի պետական պաշտոնյաներ, Արցախի ներդրումային հիմնադրամի տնօրենը։ Մենք հայտարարություն ենք տարածել եւ հորդորել ենք իրավապահ համակարգին՝ ակտիվացնել գործողությունները»,- ասաց Շահրամանյանը։

Նա հավելեց․ «Երբ դուք շեշտում եք՝ կամ մեզ առաջնորդիր, կամ կգա մի ուրիշ մարդ, ով դրանով կզբաղվի, ես ուզում եմ ձեզ տեղեկացնել հետեւյալը՝ Արցախի Սահմանարդությամբ նախատեսված է այդպիսի հնարավորություն մայիսի 21-ից հետո։ Եվ այդ ձեր նշած անձը կարող է դիմել ԱԺ եւ համապատասխան ձեւով գրացվել ու որպես համապատասխան թեկնածու ներկայանալ»։

Նա ասաց, որ առաջնորդությունը չի լինում միայն փողոցային։ «Ծանր ժամանակահատվածում ես վերցրել եմ ինձ վրա այդ պատասխանատվությունը, եւ այսօր էլ ժողովրդի այստեղ գտնվելը դրա վկայությունն է։ Երկրորդ մարդ, ով բանակցել է Արցախից ժողովրին դուրս բերելու համար, գոյություն չունի։ Ստիպված ենք եղել ադրբեջանական կողմի հետ ուղիղ բանակցություններ իրականացնել, բացել Հակարիի կամուրջը, որը 10 ամիս փակ է եղել։ Եվ մեր նպատակը եղել է փրկել մեր զինծառայողներին, մեր ժողովրդին եւ թույլ տալ խաղաղ ճանապարհով դուրս գալ այս իրավիճակից։ Ես պատրաստ եմ ձեր բոլոր հարցերին պատասխանել ժողովրդավարական ճանապարհով»,- հայտարարեց Շահրամանյանը։