«Ինչ վերաբերում է Մինսկի խմբի լուծարմանը, մենք դրան դեմ ենք»․ Շահրամանյան

«Արցախի էջը չի կարելի համարել փակված, մինչեւ Արցախի ժողովուրդը բռնի տեղահանված է, եւ չկա իրենց հայրենիք վերադառնալու արժանապատիվ հնարավորություն»,- այսօր լրագրողներին ասաց Արցախի նախագահ Սամվել Շահրամանյանը՝ անդրադառնալով «Արցախի հարցը փակված լինելու» մասին ՀՀ իշխանությունների հայտարարություններին։

«Ինչ վերաբերում է Մինսկի խմբի լուծարմանը, մենք դրան դեմ ենք, որովհետեւ դա միակ միջազգային հարթակն է, որը ստեղծվել է հենց հակամարտությունը լուծելու համար»,- հավելեց Շահրամանյանը։ Նա նշեց, որ Արցախի էջը փակելու, Մինսկի խումբը լուծարելու մասին հայտարարություններն անում են Հայաստանի իշխանությունները։ «Եվ ես ակնկալում եմ նաեւ Հայաստանի քաղաքացիների արձագանքը»,- նշեց Շահրամանյանը։