ՌԴ ՊԴ պատգամավոևը “կոչ է արել” “հանել Ղարաբաղը” Հայաստանի Սահմանադրությունից

ՌԴ Պետդումայի միջազգային հարցերով հանձնաժողովի նախագահ, Ռուսաստանի Լիբերալ-դեմոկրատական կուսակցության (ՌԼԴԿ) առաջնորդ Լեոնիդ Սլուցկին ադրբեջանցի լրագրողներին տված հարցազրույցում փառաբանել է Ադրբեջանը ու քննարկել Հայաստանի Սահմանադրությունը։

«Իլհամ Հեյդարովիչը կատարեց իր մեծն հոր գլխավոր պատվիրանը, Ադրբեջանը տուն բերեց, Ղարաբաղը բերեց տուն: Եվ այսօր, հիշելով ադրբեջանական ժողովրդի փառապանծ զավակների վերջին սխրանքը, որով կարող էին հպարտանալ իրենց հայրերն ու պապերը՝ Հայրենական մեծ պատերազմի հերոսները, մենք ասում ենք՝ Ղարաբաղն Ադրբեջան է», – հայտարարել է ՌԼԴԿ նախագահը` պարծենալով օկուպացված Շուշի կատարած իր այցով:

«Առաջին հերթին պետք է Հայաստանի Սահմանադրությունից հանել այն, ինչ վերաբերում է Ղարաբաղին, օրակարգում կան նաև այլ հարցեր, վաղ թե ուշ խաղաղության պայմանագիրը կստորագրվի, իհարկե, ավելի շուտ ավելի լավ կլինի, ուստի մենք ամեն ինչ անելու ենք, որ դա տեղի ունենա մոտ ապագայում», ասել է նա։

Սա Հայաստանի Սահմանադրության փոփոխության առաջին հրապարակային “հորդորն է” արտասահմանյան գործչի շուրթերից։ Բնականաբար, դա պետք է աներ Ռուսաստանի ներկայացուցիչը, և հենց Ժիրինովսկու կուսակցության շուրթերով։