Պուտինը Զատկի զինադադար է հայտարարել
- 18:45 19.04.2025
ՌԴ նախագահ Վլադիմիր Պուտինը Զատկի զինադադար է հայտարարել, հայտնել է Կրեմլը։
Կրեմլում հանդիպման ժամանակ նա լսել է ՌԴ ԶՈւ գլխավոր շտաբի պետ Վալերի Գերասիմովի զեկույցը մարտական շփման գծում տիրող իրավիճակի մասին եւ հայտնել, որ ռուսական կողմը կդադարեցնի բոլոր ռազմական գործողությունները ապրիլի 19-ի ժամը 18:00-ից մինչեւ ապրիլի 21-ի ժամը 00:00-ն։
«Մենք ելնում ենք այն բանից, որ ուկրաինական կողմը կհետեւի մեր օրինակին, միեւնույն ժամանակ մեր զորքերը պետք է պատրաստ լինեն հետ մղելու հրադադարի ռեժիմի հնարավոր խախտումները եւ հակառակորդի սադրանքները»,- նշել է նա։