WSJ. ԱՄՆ-ը պահանջում է Ուկրաինայից հրաժարվել Ղրիմից և չանդամակցել ՆԱՏՕ-ին
- 10:30 21.04.2025
Թրամփը ցանկանում է, որ Կիևը ճանաչի Ղրիմը որպես ռուսական, ինչպես նաև, որ Ուկրաինան հրաժարվի ՆԱՏՕ-ին միանալուց։ Միաժամանակ Սպիտակ տունը ցանկանում է Զապորոժժիայի ԱԷԿ-ի շրջակա տարածքը դարձնել չեզոք և ԱՄՆ վերահսկողության տակ։
Սրանք այն առաջարկներն են, որոնք Սպիտակ տանը ներկայացրել են Ուկրաինային՝ Լոնդոնում ամերիկյան ու եվրոպական պատվիրակությունների երկրորդ հանդիպման նախօրեին, գրում է The Wall Street Journal-ը։ Աղբյուրը գրում է, որ Կիևը ներկայումս գտնվում է ԱՄՆ-ի մեծ ճնշման տակ, մանավանդ որ Թրամփը բազմիցս հայտարարել է, որ իբր այս շաբաթ պետք է ստորագրվի հրադադարի մասին համաձայնագիրը։
Արդեն անցյալ ուրբաթ ԱՄՆ պետքարտուղար Ռուբիոն հասկացրեց, որ Վաշինգտոնը դուրս կգա համաձայնագրից, եթե Ուկրաինան և Ռուսաստանը շարունակեն հապաղել: Թրամփի որոշ առաջարկներ շատ դժվար են Ուկրաինայի համար, քանի որ դրա համար կպահանջվեր զիջել իր տարածքի մի մասը։
Միաժամանակ չի նշվում, թե ինչ կլինի Ուկրաինայի մնացած օկուպացված տարածքների հետ։