Սամվել Շահրամանյանն այսօր դռնփակ հանդիպում է անցկացնում մի խումբ արցախցիների հետ
- 12:29 21.04.2025
Արցախի ներկայացուցչությունում Արցախի նախագահ Սամվել Շահրամանյանն այսօր դռնփակ հանդիպում է անցկացնում մի խումբ արցախցիների հետ, ովքեր պահանջում են, որ Սամվել Շահրամանյանը գնա դատախազություն ու բացատրություն պահանջի, թե ինչո՞ւ չեն արագացնում Արցախցում տեղի ունեցած թալանի վերաբերյալ գործի քննությունը։
«Քննարկում ենք անելու, թե ինչ ձեւաչափով ենք գնալու դատախազություն»,- լրագրողներին ասաց քննարկման մասնակիցներից մեկը։
Ապրիլի 18-ին Արցախի ներկայացուցչությունում տեղի ունեցած բողոքի ակցիայի ժամանակ Սամվել Շահրամանյանն ասել էր, որ դեռեւս 2023 թվականի նոյեմբերի 8-ին համապատասխան գրություն է ուղարկել ՀՀ Գլխավոր դատախազին, որի հիման վրա հարուցվել է քրեական գործ։ Այդ գործի շրջանակներում Շահրամանյանը հրավիրվել է հարցաքննության որպես վկա, առգարվվել են Արցախի Ներդրումային հիմնադրամի էլեկտորնային կրիչները, հարցաքննվել են նաեւ Արցախի պետական պաշտոնյաներ եւ Արցախի Ներդրումային հիմնադրամի տնօրենը։