Վատիկանը հայտարարել է Հռոմի պապ Ֆրանցիսկոսի մահվան մասին
- 12:39 21.04.2025
Հռոմի Ֆրանցիսկոս պապը վախճանվել է 2025 թվականի ապրիլի 21-ին, Զատիկի երկուշաբթի օրը, 88 տարեկան հասակում, Վատիկանի իր նստավայրում՝ Կասա Սանտա Մարտաում։
Չնայած այն հանգամանքին, որ Կաթոլիկ եկեղեցին մի շարք հիմնարար փոփոխություններ է կրել Հռոմի պապ Ֆրանցիսկոսի գլխավորությամբ, նրան զարմանալիորեն հաջողվել է պահպանել ժողովրդականությունը շատ ավելի պահպանողական հայացքների կողմնակիցների շրջանում:
Նա դարձավ առաջին պոնտիֆիկոսը, որը ծնվել է Նոր աշխարհում, Հարավային կիսագնդում և ընդհանրապես Եվրոպայից դուրս։ Սիրիացի Գրիգոր III պապի ժամանակներից ի վեր ավելի քան հազար տարի Սուրբ Աթոռը զբաղեցրել են բացառապես եվրոպական ծագում ունեցող քահանաները։
Բացի այդ, նա դարձավ պատմության մեջ առաջին պոնտիֆիկոսը, ով ընտրվեց ճիզվիտների միջից, ովքեր միշտ որոշակի կասկածանքով էին վերաբերվում հռոմեական աթոռին։